उत्पत्ति 4:19 - परमेश्‍वरए ताँ तमु क्युइर

¹⁹ लेमेखइ प्ह्रेंस्यो ङ्हिं पखइ। थेब्स्योए मिं आदा, च्योंब्स्योए मिं सिल्‍ला मुँल।

उत्पत्ति 4:19 ပူးပေါင်းရင်းမြစ်များ

उत्पत्ति 2:18

याहवेह परमेश्‍वरजी बिइ, “म्हि घ्रिन् टिब छ्याँब आरे। छतसि ङइ चए ल्हागिर चने ङ्‍हेंब चलाइ ल्होब थु घ्रि बनेब्मुँ।”

उत्पत्ति 2:24

छतसि मुँयुँइ ह्रोंसए आबा-आमालाइ पिसि ह्रोंसए प्ह्रेंस्योने क्ह्रिरिमुँ। धै चमैंए ज्यु घ्रिन् तमुँ।

उत्पत्ति 4:18

झाइले हनोकउँइँले ईराद बिबै च्ह योंइ। ईरादउँइँले महूयाएल बिबै च्ह योंइ। महूयाएलउँइँले मतूशाएल बिबै च्ह योंइ। मतूशाएलउँइँले लेमेख बिबै च्ह योंइ।

उत्पत्ति 4:20

आदाइ याबाल बिबै च्ह फिइ। तम्‍बुर टिब्‍मैंए नेरो खेदो न्हब्‍मैंए खे च मुँल।

उत्पत्ति 4:23

लेमेखइ ह्रोंसए प्ह्रेंस्योमैंने बिइ, “ओ आदा नेरो सिल्‍ला, ङए ताँ थेद्। ओ लेमेखए प्ह्रेंस्योमैं, ङइ बिबै ताँमैं छेनाले थेद्। तलेबिस्याँ ङलाइ नल् लबै म्हि ङइ सैवाइमुँ, ङलाइ प्रिंसि आधाकल्सो लबै फ्रेंसि या ङइ सैवाइमुँ।

मत्ती 19:8

खीजी चमैंने बिइ, “क्‍हेमैंए सैं सारो तबइले मोशाइ प्ह्रेंस्यो वालेन् तम् बिसि क्हेमैंने बिब् ग। दिलेया परमेश्‍वरजी म्‍हि बनेबै त्हे ओंनों छाबै छ्या आरेल।