उत्पत्ति 4:14 - परमेश्‍वरए ताँ तमु क्युइर

¹⁴ तिंयाँ क्‍हिजी चु क्ल्ह्‍योउँइँले ङलाइ तेवासिन् मुँ, धै ङ क्हिउँइँले लोल् त्हुब्मुँ। ङ पृथ्बीरि छिं ङ्हाँन् आयोंन्‍ले स्‍युररिल् त्हुब्मुँ, छतसि ङलाइ स्याब्मैंइ ङ सैवाब्‍मुँ।”

उत्पत्ति 4:14 ပူးပေါင်းရင်းမြစ်များ

उत्पत्ति 3:24

खीजी म्हिलाइ तेवाबै लिउँइँ खोंयोंन् बिलै सोल् योंबै सिंधुँर फेनेबै घ्याँर खाबै या आखरिगे बिसि रुँबै ल्हागिरि अदनए बगैंचार्बै स्यारउँइँले करूबमैं नेरो कारग्युले स्युररिबै मिइ लुँरिबै सेलाँ (तरवार) थेंमिंइ।

उत्पत्ति 4:13

कयिनइ याहवेहने बिइ, “ङइ सैदिल् आखाँबै दण्ड ङलाइ तइ।

भजनमैं 109:10

चए प्हसेमैं आगुने ह्रिसि चल् त्हुरिगे, चमैं टिबै फुयाबै धिंउँइँले त्होंसि चबै सैमैं म्हैल् त्हुरिगे!

भजनमैं 109:12

चए फिर म्हाँया लब्मैं खाबै आतरिगे, धै चए आबा आरेबै प्हसेमैंए फिर ल्हयो खब्मैं या खाबै आतरिगे!

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

हितोपदेश 28:1

खाबज्यै आल्हालैया दुष्‍ट म्हि न्हेयाम्, दिलेया ठिक के लबै म्हिमैं बिस्याँ सिंह धोंले आङ्हिंल्‍ले टिरिम्।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

२ थेसलोनिकी 1:9

चमैं प्रभुउँइँले ह्रेंगो लवाब्मुँ, धै खीउँइँले योंबै खोंयोंइ आनुबै छ्ह नेरो खीए थेबै दयाम्हाँयाउँइँले फ्रेवासि नास लवाब्मुँ।