उत्पत्ति 39:5 - परमेश्‍वरए ताँ तमु क्युइर

⁵ चइ ह्रोंसए धिंर्बै नेरो ह्रोंसने मुँबै तोन्दोंरि सैए जिम्मा योसेफलाइ पिंबै त्हेसेरो योसेफ चर मुँबइले याहवेहजी च मिश्रीथेंए धिंर आशिक पिंसि चए धिं-नाँ नेरो म्रोंर रोबै ताँन् सैमैंए फिर आशिक पिंइ।

उत्पत्ति 39:5 ပူးပေါင်းရင်းမြစ်များ

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 19:29

छले ब्याँसिर्बै नाँसमैं नास लवामा परमेश्‍वरजी अब्राहामलाइ मैंइ। लोत टिबै क्ल्ह्‍यो नास लवामा च क्ल्ह्‍योउँइँले खीजी लोत जोगेमिंइ।

उत्पत्ति 30:27

दिलेया लाबानइ चने बिइ, “याहवेहजी क्हिउँइँले ङए फिर आशिक पिंइमुँ बिब ङइ सेइमुँ। छतसि ङए फिर दयाम्हाँया मुँस्याँ अझै टिमिंन्।

भजनमैं 21:6

क्ह्रोंसेंन्ले क्हिजी चलाइ खोंयोंइ आखाँबै आशिक पिंइमुँ, धै क्हि चने तमिंबइले चए सैं खोंयोंन् बिलै तोंरिम्।

भजनमैं 72:17

चए मिं खोंयोंन् बिलै तरिगे, त्हिंयाँ धोंले चए बयन ल्हें समा तरिगे! ताँन् ह्रेंमैंइ चउँइँले आशिक योंरिगे, धै चमैंइ चए मिं थेब् लरिगे।

चेला चिब्मैंए केमैं 27:24

च स्वर्गदूतइ ङने बिइ, ‘ओ पावल, आङ्हिंन्! क्हि कैसर म्रुँए उँइँर खैलसे या राल् त्हुम्। धै क्हिने क्यु झाजर क्रेब्मैं ताँनए ज्यु परमेश्‍वरजी क्हिए योर पिंइमुँ।’

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।