उत्पत्ति 39:4 - परमेश्‍वरए ताँ तमु क्युइर

⁴ सैं तोंइ, धै ह्रोंसए धिंर के लब्मैंए न्होंर्बै चिब लमिंइ। ह्रोंसने मुँबै तोन्दोंरि सैए जिम्मा योसेफलाइ पिंइ।

उत्पत्ति 39:4 ပူးပေါင်းရင်းမြစ်များ

उत्पत्ति 15:2

दिलेया अब्रामइ बिइ, “ओ याहवेह परमेश्‍वर, क्हिजी ङ तो पिंइमुँ रो? तलेबिस्याँ ङल प्हसे घ्रि या आरे, तारे ङए धिंर्बै क्ल्हे दमस्कसर्बै एलीएजर तब्मुँ।

उत्पत्ति 18:3

धै चइ बिइ, “ओ चिब्मैं, ङए फिर क्हेमैंए म्हाँया मुँस्याँ क्हिए केब्छैंए तम्बु न्होंर आहोंनले छलेन् आह्‍यामिंन्।

उत्पत्ति 19:19

क्हेमैंइ ङए फिर ल्हयो खसि ङए ज्यु जोगेमिंइ। दिलेया ङ कोंउँइँ भौदिल् आखाँ, आस्याँ चु क्ल्ह्‍यो नास लवामा ङै या सियाब्मुँ।

उत्पत्ति 24:2

तिगें अब्राहामइ ह्रोंसए धिंर्बै ताँन् सैमैं छेनाले ङ्ह्‍योबै केब्छैं चिबने बिइ, “क्हिए यो ङए प्हाँ न्होंर थेंन्।

उत्पत्ति 32:5

“‘ङने बालु म्ये-क्ल्या, गधा, र-क्यु नेरो केब्छैं-केब्स्योमैं या ल्हें मुँ। छतसि क्हिउँइँले ल्हयो योंब्मुँ बिसि तोगो क्हि ङाँर यो छ्युँ लबर ङइ चु म्हिमैं कुलइमुँ,’ बिसि ङए क्ल्हे एसावने बिमिंन्।”

उत्पत्ति 33:10

याकूबइ बिइ, “आङिं, क्हिए म्हाँया ङए फिर मुँस्याँ गार आम्हाँदिल्‍ले ङए योर्बै क्होल्सैमैं किंमिंन्। तलेबिस्याँ ङए फिर च्हौ थेबै म्हाँया उँइँसि क्हिइ ङलाइ मान लइ। क्ह्रोंसेंन क्हिने त्होल् योंमा परमेश्‍वर म्रोंब् धोंन् ङ्हाँइ।

उत्पत्ति 33:8

“ङइ त्होबै चु बगालए अर्थ तो जा?” बिसि एसावइ याकूबने ङ्योएमा याकूबइ बिइ, “ङए फिर क्हिइ ल्हयो खरिगे बिसि ङइ चु बगालमैं कुल्मिंब् ग।”

उत्पत्ति 39:8

दिलेया योसेफइ आङिंसि चने बिइ, “ङ चु धिंर मुँबइले ङए क्ल्हेइ चु धिंर मुँबै तोइ सैलेया न्हुँ आल। चने मुँबै तोन्दोंरि सैमैं या चइ ङए जिम्मार पिंइमुँ।

एस्तर 2:9

एस्तर म्रोंमा हेगे बेल्‍ले सैं तोंसि चइ पैरेबै ल्हागिर एस्तरलाइ छ्या-छ्याँबै सैमैं पिंइ। झाइले म्रुँए दरबारउँइँले चए सेवा लबै ल्हागिर हेगेइ छमिंमैं ङि खटेइ। च छमिंमैं टिबै धिंर अरूलाइ भन्दा चमैंलाइ छेन् लइ।

हितोपदेश 14:35

बुद्धि मुँबै केब्छैं म्रोंसि म्रुँ सैं तोंम्, फापिल् लबै केब्छैं म्रोंसि च बेल्‍ले ह्रिस खम्।

हितोपदेश 16:7

क्हिइ याहवेहलाइ सैं तोंन् लस्याँ खीजी शत्तुरमैंलाज्यै या क्हिए थु लमिंब्मुँ।

हितोपदेश 17:2

बुद्धि मुँबै केब्छैंइ केर आफेबै च्हलाइ न्होंर थेंब्मुँ, धै च्हइ धोंले चइ खे-बाज्युमैंए सै न्होर योंब्मुँ।

हितोपदेश 22:29

सैं झोंसि ह्रोंसए केमैं लबै म्हि क्हिइ म्रोंइमुँ वा? छाबै म्हि म्रुँए उँइँर रासि के लब्मुँ; तोन् तोर्बै म्हिमैंए उँइँर राल् त्हुरिब् आरे।

हितोपदेश 27:18

तोंबु धुँलाइ छेनाले ङ्‍ह्‍योबै म्हिइन चए रो चब्मुँ, छलेन ह्रोंसए क्ल्हेए सेवा लबै म्हिइन मान योंब्मुँ।

हितोपदेश 3:4

छ लइबिस्याँ परमेश्‍वर नेरो म्हिमैंउँइँले क्हिइ थेबै मान योंब्मुँ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

रूथ 2:6

चिबइ बिइ, “च मोआब ह्‍युलउँइँले नाओमीने खबै मोआबी थेंस्यो ग।