उत्पत्ति 39:3 - परमेश्‍वरए ताँ तमु क्युइर

³ “याहवेह चने बालु मुँब नेरो चइ लबै ताँन् केमैं याहवेहजी छ्याँब लमिंम्” बिसि चए क्ल्हे पोतीफरइ म्रोंसि

उत्पत्ति 39:3 ပူးပေါင်းရင်းမြစ်များ

उत्पत्ति 21:20

च कोलोए फिर परमेश्‍वरजी म्हाँया लबइले च थेब ततै ह्‍याइ, धै पारान बिबै तोइ आकेबै क्ल्ह्‍योर टिसि मे त्हँले ल्हिल् ह्रबै म्हि तइ।

उत्पत्ति 21:22

च त्हेर अबीमेलेक म्रुँ नेरो चए सेनापति पिकोलइ अब्राहामने बिइ, “क्हिइ लबै तोन्दोंरि केर परमेश्‍वरजी आशिक पिंइमुँ।

उत्पत्ति 21:23

छतसि ङ नेरो ङए च्ह-च्हमि, ङए क्वें-क्वेंमिंमैंने बालु क्हिइ स्योर तेबै केमैं खोंयोंइ लरिब् आरे बिसि ङने बालु चुर परमेश्‍वरए उँइँर बाछा फैद्। धै क्हिए फिर ङइ छ्याँब लब् धोंलेन् क्हिज्यै या ङए फिर छ्याँबै केमैं लम् बिसि ङने बाछा फैद्, धै क्हि टिबै चु ह्‍युलए ल्हागिरै या क्हिइ छ्याँबै केमैं लम् बिसि ङने बाछा फैद्।”

उत्पत्ति 26:24

याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 26:28

चमैंइ बिइ, “याहवेह क्हिने बालु मुँ बिसि ङिइ सेइ। छतसि ङ्योए न्होंर तोइ आछ्याँबै केमैं आतरिगे बिसि बाछा घ्रि फैले बिसि ङि खब् ग।

उत्पत्ति 30:27

दिलेया लाबानइ चने बिइ, “याहवेहजी क्हिउँइँले ङए फिर आशिक पिंइमुँ बिब ङइ सेइमुँ। छतसि ङए फिर दयाम्हाँया मुँस्याँ अझै टिमिंन्।

उत्पत्ति 30:30

ङ खब् भन्दा ओंसों क्हिने बालु सै न्होर च्युगुदे मत्‍त्रे मुँल तोगो ल्हें तइमुँ। ङइ खनिर यो झोंलेया क्हिए फिर याहवेहजी आशिक पिंइमुँ। तारे ह्रोंसए धिं-नाँए ल्हागिर ङइ खोंयों तौदु लब?”

उत्पत्ति 39:2

दिलेया याहवेह परमेश्‍वर योसेफने बालु मुँल। छतसि चर च प्लब् ततै ह्‍याइ। च ह्रोंसए क्ल्हे मिश्रीथेंए धिंर टिमल।

उत्पत्ति 39:21

दिलेया याहवेह योसेफने बालु मुँल। खीजी चए फिर ल्हयो खइ, छतसि योसेफ झेलर्बै चिबइ खोबै म्हि तल् पिंइ।

उत्पत्ति 39:23

योसेफए जिम्मार पिंबै तोइ सैलेया झेलर्बै चिबइ न्हुँ लल् आत्हुमल। तलेबिस्याँ याहवेह योसेफने बालु मुँल। योसेफइ लबै तोन्दोंरि के याहवेह परमेश्‍वरजी बेल्‍ले छ्याँब लमिंइ।

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

मत्ती 5:16

छलेन क्‍हेमैंए छ्याँबै बाँनि अरू म्‍हिमैंइ म्रोंरिगे। छले क्‍हेमैंइ लबै छ्याँबै के म्हिमैंए उँइँर चाररिगे। धै चमैंइ स्वर्गर मुँबै क्हेमैंए परमेश्‍वर आबाए मान लरिगे।

१ कोरिन्थी 16:2

सद् ह्रोंसे क्हेमैं ताँनइ ह्रों‍-ह्रोंसए कमैं अनुसार मुइ स्यो थेंन्। छ लस्याँ ङ खबै त्हेर मुइ स्योरिल् आत्‍हु।

दर्शन 3:9

थेद्, को-कोइ दुष्‍टए न्होंर टिब्मैंइ ‘ङ यहूदी ग’ बिम् दिलेया चमैं क्ह्रोंसेंन्बै यहूदी आङिं। च स्‍योर्गुमैंलाइ ङइ क्‍हेमैंए प्‍हले फ्‍योबर ल्‍हैदिब्‍मुँ। झाइले ङइ क्‍हेमैंलाइ म्हाँया लरिमना बिब चमैं ताँनइ था सेब्‍मुँ।