उत्पत्ति 38:25 - परमेश्‍वरए ताँ तमु क्युइर

²⁵ छले तामार पखसि खरिमा चइ ह्रोंसए कें ङाँर छ बिसि सउँसर पिंमिंइ, “चु सैमैं खाबल् जा, चउँइँलेन् ङइ प्हसे नोब् ग। ङ्‍ह्‍योद्, चु छाप चु छो नेरो चु प्हरे खाबल् जा?”

उत्पत्ति 38:25 ပူးပေါင်းရင်းမြစ်များ

उत्पत्ति 37:32

झाइले च छ्याँबै बुट्टा झोंबै बख्खु चमैंइ खेंमैंए आबा ङाँर पखसि बिइ, “ओ आबा! चु बख्खु ङिइ योंइ। ङ्ह्‍योत्ति, चु क्हिए च्हल् ङिंब् उ आङिं?”

उत्पत्ति 38:18

यहूदाइ बिइ, “ङइ तो सै थेंलेदि?” चइ बिइ, “क्हिए छाप नेरो चए छो धै क्हिए योर्बै चु प्हरे थेंस्याँ तम्।” छबिमा यहूदाइ चने च सैमैं पिंसि चने बालु तइ। च लिउँइँ चउँइँले चइ प्हसे नोइ।

भजनमैं 50:21

क्हिइ चु ताँन् आछ्याँबै केमैं लइमुँ दिलेया ङ तोइ आपोंन्ले टिइ; छतसि ङै या क्हि धोंन् तब्मुँ बिब क्हिए सैंर ङ्हाँमै। छ आङिं! ङइ क्हि हौदिब्मुँ धै क्हिइ खैबै केमैं लइमुँ बिब क्हिए ओंसोंन् ताँन् उँइँमिंब्मुँ।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

दर्शन 20:12

सियाब्‍मैं, थेब, च्‍योंब ताँन् राजगद्दिए उँइँर रारिब् ङइ म्रोंइ। परमेश्‍वरजी कितबमैं फैथेंल। सियाब्‍मैंइ सोगों मुँमा तो तो के लल, च केमैं ताँन् च कितबर प्‍ह्रिथेंल। धै चमैंइ लबै के ङ्‍ह्‍योसि परमेश्‍वरजी निसाफ लमल। (अर्को कितब घ्रि या खीजी फैइ। च कितबर खोंयोंइ आखाँबै छ्ह योंबै म्हिमैंए मिं प्‍ह्रिल।)