उत्पत्ति 37:8 - परमेश्‍वरए ताँ तमु क्युइर

⁸ छबिमा चए आघेंमैंइ चने बिइ, “ङिए फिर क्हिइ ग्याल्स लल् म्हैल् वा? ङिए फिर क्हि क्ल्हे तल् म्हैल् वा?” छतमा चइ म्रोंबै म्होंडए ताँमैंइ लमा आघेंमैं चने बालु बेल्‍ले ख्रे लबर होंइ।

उत्पत्ति 37:8 ပူးပေါင်းရင်းမြစ်များ

उत्पत्ति 27:41

आबाइ याकूबलाइ आशिक पिंबइले एसाव ह्रोंसए अलि याकूबने ख्रे लबर होंइ। छतमा “ङए आबा सिबै त्हे तखइ। च सिबै लिउँइँ ङइ याकूब सैवाब्मुँ” बिसि एसावइ सैं न्हों-न्हों मैंइ।

उत्पत्ति 37:4

छले आबाइ अरू च्हमैं भन्दा चए फिर ल्हें म्हाँया लब् म्रोंसि चए आघेंमैं चने बालु ख्रे लबर होंइ। धै चने बालु छेनाले आपोंमल।

उत्पत्ति 37:9

च लिउँइँ चइ धबै म्होंड म्रोंसि आघेंमैंने बिइ, “ङइ धबै म्होंड म्रोंइ। त्हिंयाँ, लयाँ नेरो च्युसे घ्रि मुसारमैंइ ङलाइ फ्योरिल।”

उत्पत्ति 42:10

चमैंइ योसेफने बिइ, “ओ चिब, छ आङिं। ङि क्हिए केब्छैंमैं म्‍ल्ह-नारिमैं किंबर खब् ग। ङि ताँन् म्हि घ्रिए च्हमैं ग।

उत्पत्ति 44:18

दिलेया यहूदा योसेफए उँइँर ह्‍यासि बिइ, “ओ ङए प्रभु, ङ यो छ्युँ लमुँ क्हिए केब्छैंइ ताँ घ्रि बिल् पिंन्। क्हि म्रुँ धों तबै थेबै म्हि ग दिलेया क्हिए केब्छैंने बालु ह्रिस आखमिंन्।

उत्पत्ति 49:26

क्हिए आबाइ योंबै आशिक स्योंम्बै कोंमैंइ पिंबै आशिक भन्दा भोंब मुँ। च ताँन् आशिक योसेफए क्र फिर तरिगे। चए आघें-अलिमैं न्होंरि च चिब तइमुँ।

उत्पत्ति 50:18

चए आघेंमैं या खसि चए ओंसों पद्खु तसि “थेद्, ङि क्हिए केब्छैंमैं ग,” बिइ।

भजनमैं 118:22

धिं लब्मैंइ केर आफे बिसि भ्योंवाबै युँमान् तेंर्बै क्र युँमा तइ।

प्रस्थान 2:14

छबिमा चइ बिइ, “क्हि ङिए क्रथे नेरो निसाफ लबै म्हि खाबइ लमिंइ? च मिश्रीने सैब् धोंले ङलाज्यै या सैल् म्हैल् वा?” छबिमा मोशाइ सैं न्हों-न्हों ङ्हिंसि बिइ, “क्ह्रोंसेंन चु ताँ खन्तोंदोंन् थेबर होंना।”

लूका 19:14

“दिलेया चए ह्‍‍युलर्बै म्हिमैंइ च चिबलाइ आखोमल। छतसि चिब ह्‍याबै लिउँइँ ‘चु म्‍हि ङिए फिर म्रुँ तब ङि आसैदि,’ बिद् बिसि थेबै म्रुँ ङाँर चमैंइ स्यार्बो कुलइ।

लूका 20:17

येशूजी चमैं ङाँइ ङ्‍ह्‍योसि बिइ, “छ बिस्‍याँ छ्वेर प्‍ह्रिबै चु ताँए मतलब तो जा? ‘गारा झोंब्‍मैंइ केर आफे बिसि भ्योंवाबै युँमान् तेंर्बै क्र युँमा तइ?’

चेला चिब्मैंए केमैं 7:35

“चु मोशाने इस्रालिमैंइ ‘क्हि ङिए फिर्बै चिब तसि निसाफ लबर खाबइ कुलल?’ बिमा चमैंइ खीजी बिबै ताँ आङिंल। दिलेया परमेश्‍वरए स्वर्गदूत मोशाने झ्याडिर म्रोंयुल। झाइले च स्वर्गदूतजी ल्होमिंबइले चमैंए फिर्बै चिब नेरो चमैं जोगेमिंबै म्हि लसि परमेश्‍वरजी मोशा कुल्मिंइ।

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।