उत्पत्ति 32:7 - परमेश्‍वरए ताँ तमु क्युइर

⁷ छ बिब् थेसि याकूब बेल्‍ले ङ्हिंसि त्हारइ। धै ह्रोंसने मुँबै म्हिमैं, र-क्युमैं, म्ये-क्ल्यामैं नेरो सलुमैंए बगाल भाग ङ्हिंर चुइ।

उत्पत्ति 32:7 ပူးပေါင်းရင်းမြစ်များ

उत्पत्ति 32:11

ङ क्हिने यो छ्युँ लमुँ ङए आघें एसावए योउँइँले ङ जोगेमिंन्। तलेबिस्याँ ङ नेरो ङए म्रिं प्हसेमैंने नेखम् उ बिसि ङ ङ्हिंइमुँ।

उत्पत्ति 32:3

याकूबइ एदोम ह्‍युलर्बै सेइरर ह्रोंसए आघें एसाव ङाँर त्होबर ह्रोंस भन्दा ओंसों स्यार्बोमैं कुल्मिंइ।

उत्पत्ति 32:8

तलेबिस्याँ एसाव खसि बगाल घ्रि सैवालेया अर्को बगाल सोब्मुँ बिसि चइ मैंइ।

उत्पत्ति 33:1

याकूबइ ङ्ह्‍योमा एसाव नेरो चने बालु प्लिब्ब्रा म्हिमैं खरिब् म्रोंइ। छतमा चइ ह्रोंसए च्ह-च्हमिमैंलाइ लेआ, राहेल नेरो केब्स्योमैं ङ्हिंए जिम्मार पिंइ।

उत्पत्ति 35:3

झाइले ङ्यो बेथेलर ह्‍याले। ङए फिर दुःख तबै त्हेर ङए ताँ थेमिंब नेरो ङ खनिर ह्‍यालेया ङने बालु तमिंबै परमेश्‍वरए ल्हागिर चर ङइ ख्रो पिंबै क्ल्ह्‍यो घ्रि बनेब्मुँ।”

भजनमैं 107:6

छतमा चमैंइ ह्रोंसए दुःखर याहवेहने क्रोदै ग्वार ह्रिइ, धै खीजी चमैंए दु:खउँइँले फ्रेमिंइ।

भजनमैं 112:5

सैं प्ल्हसि छे पिंब नेरो भर म्हाँदिल् खाँबै के लरिबै म्हिल बिब् धों मैंब् धों तम्।

भजनमैं 142:4

ङए क्योलोउँइँ ङ्ह्‍योमिंनु, ङए न्हुँ लब खाबै या आरे, ङ ग्वार योंबै क्‍ल्‍ह्‍यो खनिरै आरे। खाबज्यै या ङए वास्ता आल।

भजनमैं 31:13

ल्हें म्हिइ ङए बिरोधर आछ्याँबै ताँ पोंब ङइ थेइमुँ, छतसि ङ खन्तोदोंउँइँलेन् ङ्हिंल् त्हुइमुँ! चमैं क्ह्रिसि ङए बिरोधर मत लम्; धै ङलाइ सैबै जाल रोम्।

भजनमैं 61:2

ङ‍ए सैं आतेसि पृथ्बीए छ्योगोउँइँले ङइ क्हिने ग्वार ह्रिमा, ङ भन्दा थेबै पारार डोरेमिंन्,

प्रस्थान 14:10

झाइले इस्राएलीमैंइ ङ्‍ह्‍योमा फारो नेरो मिश्रीमैं खेंमैंए लिलि खरिब् म्रोंसि चमैं बेल्‍ले ङ्हिंसि याहवेहने ग्वार ह्रिइ।

हितोपदेश 2:11

छले च्हैंब्-मैंब् लल् खाँबइले आछ्याँबै केउँइँले क्हि फ्रेब्मुँ, ह्रब-सेब तल् खाँसि क्हि दुष्‍टमैंउँइँले जोगेब्मुँ।

मत्ती 10:16

“ङ्‍ह्‍योद्! ङइ क्‍हेमैं प्याँगुमैंए म्हाँजोर क्यु धोंले कुलरिइमुँ। छतसि क्‍हेमैं प्‍हुरि धोंले बाठो, तोंगु धोंले सोजो तसि टिल् त्‍हुम्।

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

२ कोरिन्थी 1:4

ङ्योए ताँन् दुःखर खीजी ल्होमिंसि सैं क्‍होल् लमिंम्। छतसि खीजी ङ्योए सैं क्‍होमिंब् धोंले ङ्योज्‍यै या अरूमैंए फिर दुःख तमा ल्होमिंसि चमैंए सैं क्‍होमिंल् खाँम्।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।