उत्पत्ति 32:5 - परमेश्‍वरए ताँ तमु क्युइर

⁵ “‘ङने बालु म्ये-क्ल्या, गधा, र-क्यु नेरो केब्छैं-केब्स्योमैं या ल्हें मुँ। छतसि क्हिउँइँले ल्हयो योंब्मुँ बिसि तोगो क्हि ङाँर यो छ्युँ लबर ङइ चु म्हिमैं कुलइमुँ,’ बिसि ङए क्ल्हे एसावने बिमिंन्।”

उत्पत्ति 32:5 ပူးပေါင်းရင်းမြစ်များ

उत्पत्ति 30:43

छले याकूब बेल्‍ले प्लब तइ। चल र-क्युमैं, सलु, गधामैं या ल्हें तइ केब्छैं-केब्स्योमैं या ल्हें तइ।

उत्पत्ति 31:16

ङिए आबा ङाँइले परमेश्‍वरजी बोयाबै ताँन् सै न्होर ङि नेरो ङिए प्हसेमैंल् तइमुँ। छतसि तारे परमेश्‍वरजी क्हिने तो-तो लद् बिइमुँ छान् लद्।”

उत्पत्ति 31:3

च लिउँइँ याहवेहजी याकूबने बिइ, “क्हिए खेमैं नेरो क्हिए ङ्‍हेब्-ट्हुब् ङाँर एह्‍याद्। ङ क्हिने तब्मुँ।”

उत्पत्ति 33:11

क्हिए ल्हागिर्न पखबै चु क्होल्सैमैं गार आम्हाँदिल्‍ले किंन्, तलेबिस्याँ ङए फिर परमेश्‍वरए आशिक मुँबइले ङने ल्हेंन् मुँ।” छले याकूबइ किंलन् त्हुम् बिसि कर लमा एसावइ च क्होल्सैमैं किंइ।

उत्पत्ति 33:15

एसावइ बिइ, “छ बिस्याँ ङने बालु मुँबै च्युगुदे म्हिमैं क्हि ङाँर वाथेंम्।” दिलेया याकूबइ बिइ, “च म्हिमैं चैदिलै रो वा? क्हिए दयाम्हाँया ङए फिर मुँसेरो तम्।”

उत्पत्ति 33:8

“ङइ त्होबै चु बगालए अर्थ तो जा?” बिसि एसावइ याकूबने ङ्योएमा याकूबइ बिइ, “ङए फिर क्हिइ ल्हयो खरिगे बिसि ङइ चु बगालमैं कुल्मिंब् ग।”

उत्पत्ति 47:25

चमैंइ बिइ, “ङिए सो क्हिइ जोगेमिंइमुँ। छलेन क्हिए म्हाँया ङि फिर तरिगे। ङि फारोए केब्छैंमैं तब्मुँ।”

लूका 12:45

दिलेया च केब्छैंइ ‘ङए क्‍ल्‍हे खब क्‍हैलै तोगोन् आखालै,’ ङ्हाँसि अरू केब्छैंमैं धोंब, तो चदा ङ्हाँमुँ चब, प्हा ल्‍हें थुँसि न्‍हेल्‍ले टिइ बिस्‍याँ,

रूथ 2:2

तिंगैं मोआब थेंस्यो रूथइ नाओमीने बिइ, “ङ म्रोंर ह्‍यासि खाबइ ङए फिर ल्हयो खमुँ, चए लिलि म्रोंमैंइ वाथेंबै जौ सिलमैं खुबर ह्‍याल् पिंन्,” बिमा नाओमीइ “ओं ओं ह्‍याद, ङए च्हमि,” बिइ।