उत्पत्ति 32:4 - परमेश्‍वरए ताँ तमु क्युइर

⁴ “‘ङ तोगो समा लाबानने बालु टिइमुँ। छतसि तोगो समा आखब् ग, बिसि क्हिए केब्छैं याकूबइ बिइमुँ’ बिसि ङए क्ल्हे एसावने बिमिंन्,” बिसि याकूबइ चमैंने बिइ।

उत्पत्ति 32:4 ပူးပေါင်းရင်းမြစ်များ

उत्पत्ति 23:6

“ओ चिब, ङिए ताँ थेद्! ङिए म्हाँजोर क्हि ह्रब् सेब् नेरो चिब ग। छतसि ङिए छगोंमैं न्होंर ताँन् भन्दा छ्याँबै छगों त्हाँसि क्हिए प्ह्रेंस्योए सिनु पाद्। क्हिए प्ह्रेंस्योए सिनु पाबै क्ल्ह्‍यो आपिं बिसि ङिइ बिरिब् आरे।”

उत्पत्ति 25:30

छतमा एसावइ याकूबने “ङ बेल्‍ले फो ख्रेंइमुँ, च मस्याँ खु च्हौदे थुँल् पिंन्,” बिइ। (छतसि चने एदोम बिम्।)

उत्पत्ति 27:29

ह्रें-ह्रेंर्बै म्हिमैं क्हिए केब्छैंमैं तरिगे, चमैंइ क्हि फ्योरिगे। क्हिए आघेंमैं-अलिमैंए फिर क्हि क्ल्हे तरिगे, झाइले क्हिए आमाउँइँले योंबै सन्तानमैं क्हिए ओंसों कुररिगे। क्हिए फिर सराप झोंब्मैं ताँनइ सराप योंरिगे, झाइले क्हिए फिर आशिक पिंब्मैं ताँनइ आशिक योंरिगे।”

उत्पत्ति 27:37

इसहाकइ एसावने बिइ, “ओ ठागु, च क्हिए फिर्बै चिब ङइ लमिंल् खाँइ। धै चए ताँन् आघें-अलिमैं या ङइ चए केब्छैंमैं लवाइ। म्रोंर्बै रा-रोमैं नेरो अँगुरए प्हा या ङइ चन् पिंवाँइ। तारे क्हिए ल्हागिर ङइ तोइ आशिक पिंल् आखाँ!”

उत्पत्ति 31:41

क्हिए च्हमि ङ्हिंए ल्हागिर ङइ च्युसे प्लिदिं क्हिए के लइ। धै ट्हुदिं समा क्हिए बगालमैं छैं लइ। चु ङ्हिस्यु बर्ष समा छ लसिन् ङ क्हिए धिंर टिइ। दिलेया क्हिइ ङए नों सै आबडिमिं झन च्युखे फेर्दिइ।

उत्पत्ति 32:18

‘चु क्हिए केब्छैं याकूबल ग। चु ताँन् चए क्ल्हे एसावए ल्हागिरि क्होल्सै बिसि कुल्मिंब् ग। च ङिए लिलि खसिन् मुँ,’ बिसि बिद्।”

उत्पत्ति 32:5

“‘ङने बालु म्ये-क्ल्या, गधा, र-क्यु नेरो केब्छैं-केब्स्योमैं या ल्हें मुँ। छतसि क्हिउँइँले ल्हयो योंब्मुँ बिसि तोगो क्हि ङाँर यो छ्युँ लबर ङइ चु म्हिमैं कुलइमुँ,’ बिसि ङए क्ल्हे एसावने बिमिंन्।”

उत्पत्ति 33:14

छतसि ङ क्हिने यो छ्युँ लमुँ, ङ भन्दा ओंसों क्हि ह्‍यादु। ङ बिस्याँ ओंसों ह्‍याबै खेदोमैं नेरो प्हसेमैंए प्रबै त्होंर प्रसि क्हि ङाँर सेइरर आफेखन् समा नुजीले प्रसि खब्मुँ।”

उत्पत्ति 33:8

“ङइ त्होबै चु बगालए अर्थ तो जा?” बिसि एसावइ याकूबने ङ्योएमा याकूबइ बिइ, “ङए फिर क्हिइ ल्हयो खरिगे बिसि ङइ चु बगालमैं कुल्मिंब् ग।”

उत्पत्ति 36:8

छतसि एसाव (अथवा एदोम) सेइर ह्‍युलर टिइ।

उत्पत्ति 36:9

सेइर बिबै ह्‍युलए कोंजरे टिबै एदोमिमैंए खेमैं एसावए ताँ छले मुँ।

उत्पत्ति 4:7

क्हिइ छ्याँबै भेटि पखस्‍याँ ङ क्हि म्रोंसि सैं आतोंमल् वा? क्हिइ छ्याँब के आलस्याँ पाप क्हिए म्रार्न क्हुइ टिरिम्। चइ क्हिए फिर क्ल्हे तल् म्हैम्, दिलेया क्हि चए फिर क्‍ल्‍हे तल् त्हुम्।”

प्रस्थान 32:22

हारूनइ बिइ, “ओ चिब, क्हि ङने ह्रिस आखमिंन्। चु म्हिमैं खैतब् मुँ बिसि क्हिइ सेइमुँ। चुमैं खोंयोंन् बिलै आछ्याँबै के लदा ङ्हाँइमुँ।

हितोपदेश 15:1

च्योंने तइ पोंमा खरिबै ह्रिस या म्हम्, दिलेया ठस-ठसले पोंमा झन ह्रिस खम्।

हितोपदेश 25:15

ह्रिस आखल्‍ले पोंबै म्हिइ शासन लब्मैंलाइ वाँल् खाँम्; धै छ्याँबै ताँ पोंमा ह्रिब्मैं या गाल्दिवाल् खाँम्।

हितोपदेश 6:3

ओ ङए च्ह, ह्रोंसलाइ जोगेबै ल्हागिर ङइ बिब् धों लद्, तलेबिस्याँ क्हि आगुए योर फेयाइमुँ! छतसि ह्रोंसन् च्योंने तसि च ङाँर ह्‍याद्, धै जमानि टिसि क्हिइ बाछा फैबै ताँ माफ लमिंन् बिसि यो छ्युँ लद्।

लूका 14:11

तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

१ पत्रुस 3:6

छलेन साराई खीए प्युँ अब्राहामइ बिब ङिंसि चलाइ क्ल्हे बिल। क्हेमैंइ छ्याँबै केमैं लदै तोइ सैनेया आङ्हिंइ बिस्याँ क्‍हेमैं या साराए च्हमिंमैं तब्मुँ।