उत्पत्ति 32:24 - परमेश्‍वरए ताँ तमु क्युइर

²⁴ छले याकूब घ्रिन् मुँमा म्हुँइँसर म्हि घ्रि नाँ आन्होंन् समा चने नेइ।

उत्पत्ति 32:24 ပူးပေါင်းရင်းမြစ်များ

उत्पत्ति 18:2

चइ ङ्‍ह्‍योमा ह्रोंसए ओंसों मुँयुँमैं सों रारिब् म्रोंइ। चमैं म्रोंसि चए तम्बुए म्राउँइँले त्होंसि न्हे‍ह्‍याइ धै पत्खु तसि चमैंलाइ फ्योइ।

उत्पत्ति 30:8

छतमा राहेलइ बिइ, “ङइ बेल्‍ले नेसि ङए आनलाइ ट्होइ।” छतसि चइ च च्हए मिं नप्‍ताली थेंइ।

उत्पत्ति 32:23

च्हमैं स्यों क्योंजा कुल्मिंबै लिउँइँ ह्रोंसने बालु मुँबै तोन्दोंरि सैमैं या कुल्मिंइ।

उत्पत्ति 32:25

च स्वर्गदूतइ याकूब ट्होल् आखाँब् सेसि याकूबए क्रेर्बै खोक्रोर छुइ, धै खीने नेन-नेन् याकूबए क्रेर्बै जोर्ने प्ल्ह्‍याइ।

उत्पत्ति 32:28

च स्वर्गदूतइ बिइ, “क्हिइ परमेश्‍वर नेरो म्हिमैंने नेसि ट्होल् खाँइ। छतसि तारे क्हिए मिं याकूब आङिं, इस्रायल तब्मुँ।”

उत्पत्ति 32:30

“परमेश्‍वर ङए ओंसोंन् म्रोंसेया ङ सोइ,” बिसि याकूबइ च क्ल्ह्‍योए मिं पनीएल थेंइ।

उत्पत्ति 48:16

ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

प्रस्थान 14:27

मोशाइ ह्रोंसए यो मा ङ्युँइए (समुन्द्रए) फिर स्योंइ, धै न्हाँगर मि म्रोंमा मा ङ्युँइ धबै एसि ह्रोंसए क्ल्ह्‍योर एखइ। मिश्रीमैं भौदिबर होंमा याहवेहजी चमैं मा ङ्युँइर्न भ्योंमिंइ।

लूका 13:24

येशूजी चमैंने बिइ, “रुबै म्राउँइँले न्‍होंर होंबै भों लद्, तलेबिस्याँ ङ क्‍हेमैंने बिमुँ, ल्‍हें म्‍हिमैं रुबै म्राउँइँले न्‍होंर होंल् म्‍हैब्‍मुँ, दिलेया होंल् खाँरिब् आरे।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

रोमी 15:30

ओ अलि-अङाँमैं, ङ्योए प्रभु येशू ख्रीष्‍टउँइँले नेरो खीए प्ल्हजी पिंबै म्हाँयाजी परमेश्‍वरने ङए ल्हागिरि ल्हें प्राथना लमिंन् बिसि ङ यो छ्युँ लमुँ।

१ कोरिन्थी 15:47

ओंसोंबै म्‍हि सउँइँले बनेबै पृथ्‍बीर्बै म्हि ग, लिउँइँबै म्हि स्‍वर्गर्बै म्हि ग।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

कलस्सी 2:1

क्हेमैं कलस्सिथेंमैं, लाउडिकियाथेंमैं नेरो ङ खोंयोंइ या आम्रोंब्‍मैं ताँनए ल्हागिरै या ङइ बेल्‍ले दुःखले के लइमुँ बिबै ताँ क्‍हेमैंइ सेरिगे बिब ङए सैं मुँ।

कलस्सी 4:12

क्‍हेमैं न्‍होंर्बै अर्को येशू ख्रीष्‍टए के लबै म्‍हि इपाफ्रासज्यै या क्‍हेमैंने जय मसीह बिमिंइमुँ। क्‍हेमैंए सैं भोंब् तरिगे, ताँन् सैरि पक्‍का तरिगे, झाइले परमेश्‍वरजी बिब् धोंले क्‍हेमैंइ ताँन् लरिगे बिसि चइ खोंयोंइन क्‍हेमैंए ल्हागिर बेल्‍ले प्राथना लसेन्‍मुँ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।