उत्पत्ति 32:10 - परमेश्‍वरए ताँ तमु क्युइर

¹⁰ क्हिजी ह्रोंसए केब्छैंए फिर कति ल्हें म्हाँया लसि उँइँमिंइमुँ दिलेया च म्हाँया योंबै लायकर्बै ङ आरे। तलेबिस्याँ ङ प्हरे घ्रि मत्‍त्रे छेसि यर्दन स्यों तर्दिसि ह्‍याल। तोगो ङल बगाल ङ्हिं तइमुँ।

उत्पत्ति 32:10 ပူးပေါင်းရင်းမြစ်များ

उत्पत्ति 18:27

अब्राहामइ बिइ, “ओ याहवेह, ङ स नेरो मेब्रो धों तलेया क्हिने बालु ताँ सेबै आँट लइमुँ।

उत्पत्ति 24:12

झाइले चइ सैं न्हों-न्हों प्राथना लइ। “ओ ङए क्ल्हेए याहवेह परमेश्‍वर, ङए फिर ल्हयो खसि तिंयाँ ङए के छ्याँब् लमिंन्। झाइले ङए क्ल्हे अब्राहामए फिरै या ल्हयो खमिंन्।

उत्पत्ति 24:27

“ङए क्ल्हे अब्राहामए याहवेह परमेश्‍वर बेल्‍ले थेब मुँ। खीजी ङए क्ल्हेने फैबै बाछा पूरा लमिंइ। तलेबिस्याँ याहवेहजी ङलाइ घ्याँर डोरेसि ङए क्ल्हेए ङेंमैंए धिंर पखमिंइमुँ।”

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:15

ङ क्हिने बालु तब्मुँ। क्हि खनिर ह्‍यालेया ङइ जोगेमिंब्मुँ। धै क्हिलाइ चु ह्‍युलर एपखब्मुँ। ङइ क्हिने बिबै बाछा पूरा आलन् समा ङइ क्हि पिरिब् आरे।”

उत्पत्ति 30:43

छले याकूब बेल्‍ले प्लब तइ। चल र-क्युमैं, सलु, गधामैं या ल्हें तइ केब्छैं-केब्स्योमैं या ल्हें तइ।

उत्पत्ति 31:3

च लिउँइँ याहवेहजी याकूबने बिइ, “क्हिए खेमैं नेरो क्हिए ङ्‍हेब्-ट्हुब् ङाँर एह्‍याद्। ङ क्हिने तब्मुँ।”

उत्पत्ति 32:5

“‘ङने बालु म्ये-क्ल्या, गधा, र-क्यु नेरो केब्छैं-केब्स्योमैं या ल्हें मुँ। छतसि क्हिउँइँले ल्हयो योंब्मुँ बिसि तोगो क्हि ङाँर यो छ्युँ लबर ङइ चु म्हिमैं कुलइमुँ,’ बिसि ङए क्ल्हे एसावने बिमिंन्।”

उत्पत्ति 32:7

छ बिब् थेसि याकूब बेल्‍ले ङ्हिंसि त्हारइ। धै ह्रोंसने मुँबै म्हिमैं, र-क्युमैं, म्ये-क्ल्यामैं नेरो सलुमैंए बगाल भाग ङ्हिंर चुइ।

भजनमैं 16:2

ङइ याहवेहने बिइमुँ, “क्हि ङए प्रभु ग; ङए ल्हागिर क्हि मत्‍त्रे छ्याँब ग, अरू तो सै या छ्याँब आरे।”

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 61:7

च परमेश्‍वरए ओंसों खोंयोंन् बिलै राजगद्दिर टिरिगे; क्हिजी खोंयोंइ आनुबै म्हाँया लबइले नेरो च क्हिए फिर भर लल् खाँबइले चए रक्षा लमिंन्!

भजनमैं 8:5

क्हिजी म्हिए च्हलाइ स्वर्गदूतमैं भन्दा च्युगुदे न्होंवाँइ थेंमिंइ, धै लिउँइँ खीलाइ थेबै मानए मुकुट कुमिंइ।

भजनमैं 84:7

चमैं ताँन् सियोनर देवतामैंए परमेश्‍वरए आम्रोंखन् समा चमैंइ भोंए फिर भों योंम्।

भजनमैं 85:10

खोंयोंइ आनुबै म्हाँया लबै परमेश‍वर नेरो भर लल् खाँबै इस्राएलीमैं क्ह्रिइमुँ; परमेश्‍वरजी ठिक के लमा म्हिमैं छिं ङ्हाँल् योंम्। धै म्हिमैंइ परमेश्‍वरने म्हाँया लम्।

हितोपदेश 4:18

दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

लूका 17:10

छलेन क्‍हेमैंज्यै या ह्रोंसने ल्‍हैदिबै ताँन् केमैं लल् खाँसि ‘ङि केर आफेबै केब्छैं ग, ङिइ ललन् त्हुबै के मत्‍त्रे लइमुँ।’ बिद्।”

लूका 5:8

छतब् म्रोंसि सिमोन पत्रुसइ येशू प्रभुए उँइँर पत्खु तसि बिइ, “ओ प्रभु क्‍हि ङ ङाँइँले ह्रेंगो तयाद्, तलेबिस्याँ ङ पापि म्‍हि ग।”

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”