उत्पत्ति 3:8 - परमेश्‍वरए ताँ तमु क्युइर

⁸ झाइले ङेसा छजाँ याहवेह परमेश्‍वर बगैंचार स्‍युररिमा चमैंइ खीए कै थेइ, धै बगैंचार्बै सिंधुँमैंए म्हाँजोरि याहवेह परमेश्‍वरउँइँले लोयाइ।

उत्पत्ति 3:8 ပူးပေါင်းရင်းမြစ်များ

उत्पत्ति 18:33

छले याहवेह अब्राहामने ताँ सेल् खाँबै लिउँइँ छाइले ह्‍याइ। अब्राहाम बिस्याँ ह्रोंसए तम्बुर एखइ।

उत्पत्ति 3:10

चइ बिइ, “ङइ बगैंचार क्हिए कै थेइ धै ङ ङ्हिंसि लोयाइ, तलेबिस्याँ ङ क्लुँनन् मुँल।”

हितोपदेश 15:3

याहवेहजी खन्तोदोंन् ङ्ह्‍योरिम्, दुष्‍ट म्हि नेरो छ्याँबै म्हिमैं ङ्हिंन-ङ्हिंए फिर मि छरिम्।

योना 1:3

दिलेया योना याहवेहजी बिब् आङिंसि तर्शीश बिबै सहरउँइँ ह्‍याइ। छले ह्‍यामा योप्पा सहरर फेखइ, चर चइ तर्शीशउँइँ ह्‍याँबै क्यु झाज घ्रि स्याइ। याहवेहउँइँले भौदिबर झाजए भारा फोसि च तर्शीशउँइँ ह्‍याबै झाजर क्रेइ।

रोमी 2:15

चमैंइ ह्रोंसए सैंर्न ठिमर्बै ताँमैं प्‍ह्रिथेंइमुँ बिब खेंमैंए चाल चलनउँइँले उँइँम्। चमैंए सैंरै या छाबन् मैंम्, दिलेया चमैंइ खोंयों छ्याँबन् लइमुँ ङ्हाँम्, खोंयों आछ्याँब लइदो ङ्हाँम्।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

दर्शन 6:15

छतमा पृथ्‍बीर्बै म्रुँमैं, शासन लब्मैं, फौजए कप्‍तानमैं, प्लब्‍मैं, थे-थेबै म्‍हिमैं, झाइले केब्छैंमैं, केब्छैं आङिंब्मैं, ताँन् म्‍हिमैं कों जरेर्बै उ नेरो पाराजरे लोबर ह्‍याइ।