उत्पत्ति 3:24 - परमेश्‍वरए ताँ तमु क्युइर

²⁴ खीजी म्हिलाइ तेवाबै लिउँइँ खोंयोंन् बिलै सोल् योंबै सिंधुँर फेनेबै घ्याँर खाबै या आखरिगे बिसि रुँबै ल्हागिरि अदनए बगैंचार्बै स्यारउँइँले करूबमैं नेरो कारग्युले स्युररिबै मिइ लुँरिबै सेलाँ (तरवार) थेंमिंइ।

उत्पत्ति 3:24 ပူးပေါင်းရင်းမြစ်များ

उत्पत्ति 3:23

छतसि “सउँइँलेन् च बनेल, च सर्न के लरिगे” बिसि याहवेह‍ परमेश्‍वरजी अदनए बगैंचाउँइँले चलाइ तेवाइ।

उत्पत्ति 4:1

आदम ह्रोंसए प्ह्रेंस्योने बालु तइ, धै हब्बाइ प्हसे नोसि कयिन फिइ, धै बिइ, “याहवेहजी ल्होमिंसि ङइ च्ह घ्रि फिइ।”

उत्पत्ति 4:14

तिंयाँ क्‍हिजी चु क्ल्ह्‍योउँइँले ङलाइ तेवासिन् मुँ, धै ङ क्हिउँइँले लोल् त्हुब्मुँ। ङ पृथ्बीरि छिं ङ्हाँन् आयोंन्‍ले स्‍युररिल् त्हुब्मुँ, छतसि ङलाइ स्याब्मैंइ ङ सैवाब्‍मुँ।”

भजनमैं 104:4

खीजी खैंलाइ ह्रोंसए दूत, धै मिए राब ह्रोंसए के लब्मैं बनेम्।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

भजनमैं 99:1

याहवेहजी ग्याल्स लम्; छतसि ह्रें-ह्रेंमैं त्हाररिगे! करूबमैंए म्हाँजोर खी क्हुँम्; पृथ्बी लारिगे!

प्रस्थान 25:2

“चमैंइ ङए ल्हागिर भेटि पल् त्हुम् बिसि इस्राएलीमैंने बिद्, चमैं ताँनइ सैं तोंदै पिंबै भेटि क्हिइ ङए ल्हागिर किंन्।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

हिब्रू 1:7

परमेश्‍वरजी स्‍वर्गदूतमैंए बारेर छले बिइमुँ: “खीजी ह्रोंसए सेवा लबै स्वर्गदूतमैंलाइ खैं नेरो मिए राब लमिंम्।”