उत्पत्ति 3:12 - परमेश्‍वरए ताँ तमु क्युइर

¹² म्हिइ बिइ, “ङने टिरिगे बिसि क्हिइ पिंबै च्हमिरिइ च सिंधुँर्बै रो ङ पिंइ। धै ङइ चइ।”

उत्पत्ति 3:12 ပူးပေါင်းရင်းမြစ်များ

उत्पत्ति 2:18

याहवेह परमेश्‍वरजी बिइ, “म्हि घ्रिन् टिब छ्याँब आरे। छतसि ङइ चए ल्हागिर चने ङ्‍हेंब चलाइ ल्होब थु घ्रि बनेब्मुँ।”

उत्पत्ति 2:20

छले म्हिइ न्‍हबै खेदोमैं, मुर प्हुरबै नमेमैं नेरो ताँन् क्ह्‍योंर्बै खेदोमैंए मिं थेंइ। दिलेया आदमए ल्हागिर ङ्‍हेंब नेरो ल्होब खाबै आयोंल।

उत्पत्ति 2:22

याहवेह परमेश्‍वरजी म्हिउँइँले ट्हुइबै रेसिंउँइँले च्हमिरि घ्रि बनेसि म्हि ङाँर पखइ।

उत्पत्ति 3:11

“क्हि क्लुँनन् मुँ बिसि खाबइ बिइ? ङइ आचद् बिबै सिंधुँर्बै रो क्हिइ चवाल् वा?” बिसि परमेश्‍वरजी ङ्योएइ।

हितोपदेश 19:3

बुद्धि आरेबै म्हिइ ह्रोंसए न्होह्रों तबै के लम्, चए खोंइ याहवेहए बिरोधर पोंम्।

हितोपदेश 28:13

पापमैं लोइरि थेंबै म्हिल खोंयोंइ छ्याँब आत, दिलेया “पापमैं लइमु” बिसि पिवाबै म्हिइ आशिक योंम्।

लूका 10:29

दिलेया च म्‍हिइ ह्रोंस ठिक के लबै म्हि ग बिसि प्हैंबर “छ बिस्‍याँ ङए ङ्‍हेब्-ट्हुब् खाब् जा?” बिसि ङ्योएमा

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।