उत्पत्ति 3:1 - परमेश्‍वरए ताँ तमु क्युइर

¹ याहवेह परमेश्‍वरजी बनेबै क्ह्‍योंर्बै सो प्ह्‍याबै सैमैं न्होंरि प्हुरि ताँन् भन्दा स्योर्गु मुँल। चइ च्हमिरिने “परमेश्‍वरजी क्हेमैंने बगैंचार्बै सिंधुँर्बै रो खाबै या आचद् बिइमुँ वा?” बिसि ङ्योएइ।

उत्पत्ति 3:1 ပူးပေါင်းရင်းမြစ်များ

मत्ती 10:16

“ङ्‍ह्‍योद्! ङइ क्‍हेमैं प्याँगुमैंए म्हाँजोर क्यु धोंले कुलरिइमुँ। छतसि क्‍हेमैं प्‍हुरि धोंले बाठो, तोंगु धोंले सोजो तसि टिल् त्‍हुम्।

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मत्ती 4:6

खीने बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ छुइले क्युरु फाल् झोंन्। तलेबिस्याँ ‘परमेश्‍वरजी क्हिलाइ जोगेमिंबर ह्रोंसए स्‍वर्गदूतमैं कुलब्मुँ। धै क्हिए प्हले युँमार आथुरिगे बिसि चमैंए योइ क्‍हि तोब्मुँ,’ बिसि छ्वेर प्ह्रिइमुँ।”

मत्ती 4:9

खीने बिइ, “क्‍हिजी पद्खु तसि ङलाइ फ्‍योइ बिस्‍याँ ङइ चु ताँन् सैमैं क्हिलाइ पिंस्यो।”

२ कोरिन्थी 11:14

चु ताँर प्लेटोरिल् आत्हु! तलेबिस्याँ दुष्‍टै या चारबै स्‍वर्गदूत धों तल् खाँम्।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

१ पत्रुस 3:7

छलेन ओ मुँयुँमैं, ह्रोंसए प्ह्रेंस्योने बालु सैं क्ह्रिसि टिद्। क्‍हेमैं भन्दा चमैं आभोंब् मुँ बिब् सेसि ताँन् सैर चमैंलाइ मान लद्, तलेबिस्याँ परमेश्‍वरजी पिंबै छ्ह क्‍हेमैं ङ्हिंना-ङ्हिंनइ योंबै हग बराबर मुँ। क्‍हेमैंए प्राथनार बाधा आखरिगे बिसि ह्रोंसए प्ह्रेंस्योने छेनाले क्‍ह्रिसि टिद्।

दर्शन 12:15

झाइले च च्हमिरिलाइ नोबोरिगे बिसि च अजिङ्गरइ ह्रोंसए सुँउँइँले थेबै स्‍यों तेइ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि