उत्पत्ति 29:18 - परमेश्‍वरए ताँ तमु क्युइर

¹⁸ याकूबइ राहेल खोइ। छतसि चइ मामाने बिइ, “क्हिए च्हमि च्योंब्स्यो राहेल ब्ह्‍या लबै ल्हागिर ङ ङिदिं समा क्हिए के लब्मुँ।”

उत्पत्ति 29:18 ပူးပေါင်းရင်းမြစ်များ

उत्पत्ति 34:12

गर्दुवा ह्रोंमैं क्होल्सै क्हेमैंइ कति ह्रिलेया ङइ पिंस्यो। चु च्हमिरिने ङ ब्ह्‍या लल् पिंन्।”

उत्पत्ति 31:41

क्हिए च्हमि ङ्हिंए ल्हागिर ङइ च्युसे प्लिदिं क्हिए के लइ। धै ट्हुदिं समा क्हिए बगालमैं छैं लइ। चु ङ्हिस्यु बर्ष समा छ लसिन् ङ क्हिए धिंर टिइ। दिलेया क्हिइ ङए नों सै आबडिमिं झन च्युखे फेर्दिइ।

उत्पत्ति 29:30

याकूब राहेलने बालु तइ। लेआ नेरो राहेलए न्होंरि चइ राहेलने ल्हें म्हाँया लमल। छले याकूबइ धबै ङिदिं लाबानए के लइ।

उत्पत्ति 29:20

झाइले याकूबइ राहेल योंबै ल्हागिर ङिदिं समा के लइ। चइ राहेल बेल्‍ले खोमल छतसि ङिदिं या चइ च्युगुदे धोंन् ङ्हाँइ।

उत्पत्ति 24:67

झाइले इसहाकइ रिबेका ह्रोंसए आमा साराए तम्बुर बोसि ब्ह्‍या लइ। छले रिबेका इसहाकए प्ह्रेंस्यो तइ। धै चइ रिबेकालाइ म्हाँया लइ। छले ह्रोंसए आमा सियाबै लिउँज्यै या इसहाकइ भों योंइ।

उत्पत्ति 29:19

लाबानइ बिइ, “चलाइ अरूमैंने बालु ब्ह्‍या लमिंब् भन्दा क्हिने पिंब छ्याँब तम् छतसि ङने बालुन् टिद्।”

उत्पत्ति 30:26

ङइ क्हिए के लसि योंबै ङए प्ह्रेंस्योमैं नेरो प्हसेमैं बोल् पिंन्। तलेबिस्याँ ङइ लबै छ्याँबै केमैं क्हिइ सेल् खाँइमुँ। छतसि ङ ह्‍याल् पिंन्।”