उत्पत्ति 27:4 - परमेश्‍वरए ताँ तमु क्युइर

⁴ धै चए ट्हा लिंन्ले ह्‍योसि ङ ङाँर पखो, ङ सिब् भन्दा ओंसों च ट्हा चसि क्हिलाइ आशिक पिंम्।”

उत्पत्ति 27:4 ပူးပေါင်းရင်းမြစ်များ

उत्पत्ति 14:19

“स्वर्ग नेरो पृथ्बी बनेबै ताँन् भन्दा थेबै परमेश्‍वरउँइँले अब्रामइ आशिक योंरिगे!

उत्पत्ति 24:60

चमैंइ रिबेकाए फिर आशिक पिंसि बिइ, “ओ ङिए रिं, क्हिल ल्हें ल्हें प्हसेमैं तरिगे धै क्हि ल्हें सन्तानए आमा तरिगे, झाइले क्हिए सन्तानइ खेंमैंने ख्रे लब्मैंए सहरमैं ट्होरिगे।”

उत्पत्ति 27:14

आमाइ छबिमा च ह्‍यासि र-म्होदोंमैं सै पखसि आमाने पिंइ। झाइले याकूबए आबा इसाहकइ खोबै ट्हा चइ ह्‍योमिंइ।

उत्पत्ति 27:17

च लिउँइँ चइ ह्‍योबै लिंबै ट्हा नेरो क्हें ह्रोंसए च्ह याकूबए योर पिंइ।

उत्पत्ति 27:19

याकूबइ आबाने बिइ, “ङ क्हिए च्ह थेब एसाव ग। क्हिइ बिब् धोंले ङइ लइमुँ। तारे रेसि क्हुँन्, ङइ सैसि पखबै से ट्हा चदु, धै ङलाइ आशिक पिंन्।”

उत्पत्ति 27:23

चए योमैं चए आघें एसावल् धोंन् तब मुइ-मुइ मुँल। छतसि इसहाकइ छ्योंलों फेल् आखाँ। छान् तलेया इसहाकइ याकूबए फिर आशिक पिंइ।

उत्पत्ति 27:25

च लिउँइँ इसहाकइ बिइ, “क्हिइ सैसि पखबै से ट्हा चुर पखो। च चसि क्हिलाइ आशिक पिंस्यो।” आबाइ छबिमा याकूबइ से ट्हा पखसि आबालाइ पिंमा खिइ चै। झाइले याकूबइ अँगुरए प्हा या आबालाइ पिंनेइ धै आबाइ थुँइ।

उत्पत्ति 27:27

याकूब आबा ङाँर ह्‍यासि म्वें लमा इसहाकइ चए क्वेंमैंए थाँ किंसि “ङए च्हए थाँ याहवेहजी आशिक पिंबै म्रोंर्बै थाँ धोंबन् मुँ बिसि चए फिर आशिक पिंइ।

उत्पत्ति 27:31

चज्यै बेल्‍ले लिंबै से ट्हा तेसि ह्रोंसए आबा ङाँर पखसि बिइ, “आबा, रेसि क्हुँन्। ङइ पखबै से ट्हा चसि ङए फिर आशिक पिंन्।”

उत्पत्ति 27:5

इसहाकइ एसावने चु ताँमैं बिरिमा चए प्ह्रेंस्यो रिबेकाइ थेरिल। झाइले एसाव हेर फो सैबर ह्‍यामा

उत्पत्ति 27:7

‘हेर ह्‍यासि फो सै पखसि चए ट्हा लिंन्ले ह्‍योसि पखो। च ट्हा चसि ङ सिब् भन्दा ओंसों याहवेहए उँइँर ङइ क्हिए फिर आशिक पिंब्मुँ,’ बिसि ताँ सेरिब ङइ थेइ।

उत्पत्ति 27:9

प्ह्रोंर ह्‍यासि छ्याँ-छ्याँबै र म्होदो ङ्हिं सैसि पखो। झाइले क्हिए आबाइ खोबै ट्हा ङइ ह्‍योमिंस्यो।

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 48:9

योसेफइ ह्रोंसए आबाने बिइ, “परमेश्‍वरजी मिश्र ह्‍युलर पिंबै ङए च्हमैं ग।” छबिमा याकूबइ बिइ, “चमैं ङ ङाँर पखोदि, चमैंए फिर ङइ आशिक पिंम्।”

उत्पत्ति 49:28

चुमैं ताँन् एस्राएलए च्युसे ङ्हिं कुलमैं ग। चमैंए आबाइ चमैं ताँनइ योंल् त्हुबै आशिक पिंसि बिबै ताँमैं चुन् ग।

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

लूका 24:51

छले आशिक पिंरिबै तोंर्न खी चमैंउँइँले स्वर्गर बोवाइ।

हिब्रू 11:20

बिश्‍वासउँइँलेन् इसहाकइ चए च्‍ह ‍ङ्हिं याकूब नेरो एसावलाइ लिउँइँ योंबै आशिक पिंइ।