उत्पत्ति 26:31 - परमेश्‍वरए ताँ तमु क्युइर

³¹ च प्हँन्हाँग्धों न्हाँगर्न रेसि खेंमैं बाछा फैसि क्ह्रिइ। च लिउँइँ इसहाकइ चमैं ह्‍याल् पिंइ। छले चमैं क्ह्रिसि छेनाले फ्रेयाइ।

उत्पत्ति 26:31 ပူးပေါင်းရင်းမြစ်များ

उत्पत्ति 14:22

दिलेया अब्रामइ सदोमर्बै म्रुँने बिइ, “स्वर्ग नेरो पृथ्बी बनेबै याहवेह ताँन् भन्दा थेबै परमेश्‍वरए उँइँरि ङइ छले कसम चइमुँ:

उत्पत्ति 19:2

“ओ चिब्मैं, गार आम्हाँदिल्‍ले ह्रोंसए केब्छैंए धिंर खसि क्हेमैंए प्हले ख्रुसि चुर्न म्हुँइँस थोदु। धै न्हाँगर युनन् रेसि ह्‍याद्।” दिलेया चमैंइ बिइ, “मुँरिगे, ङि चु बैरुबै चोकर्न रोम्।”

उत्पत्ति 21:14

छ बिबै प्हँन्हाँगधों अब्राहाम न्हाँकर्न रेसि क्हें नेरो क्युए छकला (मशक) घ्रि हागारए प्हैंदार थेंमिंइ, धै च नेरो कोलो ङ्हिंना-ङ्हिंन् कुल्मिंइ। झाइले हागार बेर्शेबा बिबै तोइ आरेबै क्ल्ह्‍योजरे स्युर प्रइ।

उत्पत्ति 21:23

छतसि ङ नेरो ङए च्ह-च्हमि, ङए क्वें-क्वेंमिंमैंने बालु क्हिइ स्योर तेबै केमैं खोंयोंइ लरिब् आरे बिसि ङने बालु चुर परमेश्‍वरए उँइँर बाछा फैद्। धै क्हिए फिर ङइ छ्याँब लब् धोंलेन् क्हिज्यै या ङए फिर छ्याँबै केमैं लम् बिसि ङने बाछा फैद्, धै क्हि टिबै चु ह्‍युलए ल्हागिरै या क्हिइ छ्याँबै केमैं लम् बिसि ङने बाछा फैद्।”

उत्पत्ति 21:27

च ताँ तबै लिउँइँ अब्राहामइ क्युमैं-मेमैं पसि अबीमेलेकलाइ पिंइ। धै चमैं ङ्हिंइ बाछा फैइ।

उत्पत्ति 22:3

छबिमा अब्राहाम न्हाँकर्न रेसि ख्रो पिंबै सिं क्लेसि गधाए फिर तेमैं फैइ। धै चए केब्छैं ङ्हिं नेरो च्ह इसहाक किंसि परमेश्‍वरजी चने बिबै क्ल्ह्‍योउँइँ ह्‍याइ।

उत्पत्ति 25:33

याकूबइ बिइ, “क्हिइ योंबै च्ह थेबै हग ङने पिंम् बिसि ओंसों बाछा फैद्।” छबिमा एसावइ बाछा फैइ। झाइले चइ योंबै हग याकूबलाइ पिंवाइ।

उत्पत्ति 26:32

च त्हिंइर्न इसहाकए केब्छैंमैंइ खेंमैंइ ताबै इनारए बारेर इसहाकने बिइ, “ङिइ ताबै क्ल्ह्‍योर क्यु त्होंइ।”

उत्पत्ति 31:44

छतसि तारे खो, क्हि नेरो ङए न्होंर बाछा घ्रि फैले। छले ङ्योइ फैबै बाछा क्हि नेरो ङए म्हाँजोर साक्षि तरिगे।”

उत्पत्ति 31:55

लाबान न्हाँगर्न रेसि ह्रोंसए क्वें-क्वेंमिमैं नेरो च्हमिमैं म्वें लसि आशिक पिंसि धिंर एह्‍याइ।

हिब्रू 6:16

म्हिमैंइ कसम चल् त्हुमा ह्रोंस् भन्दा थेबै म्हिए मिंर कसम चम्। धै चमैंए आक्ह्रिबै ताँमैं कसम चइरि क्ह्रिल् लमिंम्।