उत्पत्ति 26:3 - परमेश्‍वरए ताँ तमु क्युइर

³ ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 26:3 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 13:15

क्हिइ म्रोंबै ताँन् क्ल्ह्‍यो क्हि नेरो क्हिए सन्तानलाइ ङइ खोंयोंन् बिलै क्ल्हे तबर पिंब्मुँ।

उत्पत्ति 13:17

रेद्! ह्‍युलए खन्तोंदोंन् ह्‍याद्। तलेबिस्याँ ङइ चु ताँन् क्ल्ह्‍यो क्हिलाइ पिंब्मुँ।”

उत्पत्ति 15:18

च त्हिंइर्न याहवेहजी अब्रामने छ बिसि बाछा फैइ, “मिश्र ह्‍युलर्बै स्योंउँइँले यूफ्रेटिस बिबै थेबै स्यों समार्बै चु ताँन् ह्‍युलै या ङइ क्हिए प्हसेमैंलाइ पिंइमुँ।

उत्पत्ति 17:19

दिलेया परमेश्‍वरजी आब्रहामने बिइ, “आङिं! क्हिए प्ह्रेंस्यो साराईन क्हिए ल्हागिर च्ह घ्रि फिब्मुँ। क्हिइ चए मिं इसहाक थेंब्मुँ। च नेरो चए लिउँइँबै सन्तानने ङइ ङए बाछा फैब्मुँ।

उत्पत्ति 17:8

क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 20:1

च क्ल्ह्‍योउँइँले अब्राहाम नेगेब बिबै क्ल्ह्‍योउँइँ ह्‍याइ, धै कादेश नेरो शूरए म्हाँजोर्बै गरार बिबै ह्‍युलर टिइ। गरार ह्‍युलर टिमा चर्बै म्हिमैंने

उत्पत्ति 25:11

अब्राहाम सिबै लिउँइँ चए च्ह इसहाकए फिर परमेश्‍वरजी आशिक पिंइ। च त्हेर इसहाक बेअर-लहै-रोइ ङाँर टिमल।

उत्पत्ति 26:12

चर टिमा इसहाकइ खेति ल्हैदिइ। झाइले याहवेह परमेश्‍वरजी चए फिर आशिक पिंसि च बर्षर चइ ल्हें ल्हें रा-रोमैं खुइ।

उत्पत्ति 26:14

चल ल्हें र-क्युमैं, मे-क्ल्हामैं नेरो केब्छैं-केब्स्योमैं तब् म्रोंसि पलिश्तीमैंइ चए फिर ह्रिस लबर होंइ।

उत्पत्ति 26:24

याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:15

ङ क्हिने बालु तब्मुँ। क्हि खनिर ह्‍यालेया ङइ जोगेमिंब्मुँ। धै क्हिलाइ चु ह्‍युलर एपखब्मुँ। ङइ क्हिने बिबै बाछा पूरा आलन् समा ङइ क्हि पिरिब् आरे।”

उत्पत्ति 31:3

च लिउँइँ याहवेहजी याकूबने बिइ, “क्हिए खेमैं नेरो क्हिए ङ्‍हेब्-ट्हुब् ङाँर एह्‍याद्। ङ क्हिने तब्मुँ।”

उत्पत्ति 35:12

अब्राहाम नेरो इसहाकलाइ पिंबै ह्‍युल ङइ क्हिलाइ पिंब्मुँ। धै क्हिए लिउँइँ खबै सन्तानलाइ ङइ च ह्‍युल पिंब्मुँ।”

उत्पत्ति 39:2

दिलेया याहवेह परमेश्‍वर योसेफने बालु मुँल। छतसि चर च प्लब् ततै ह्‍याइ। च ह्रोंसए क्ल्हे मिश्रीथेंए धिंर टिमल।

उत्पत्ति 39:21

दिलेया याहवेह योसेफने बालु मुँल। खीजी चए फिर ल्हयो खइ, छतसि योसेफ झेलर्बै चिबइ खोबै म्हि तल् पिंइ।

उत्पत्ति 48:21

झाइले याकूबइ योसेफने बिइ, “तारे ङ सिबै त्हे तइमुँ, दिलेया परमेश्‍वर क्हेमैंने बालु तरिब्मुँ, धै क्हेमैंए खेमैं-मामैंए ह्‍युलर धबै क्हेमैंलाइ एबोब्मुँ।

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 105:8

खीजी ह्रोंसइ फैबै बाछा खोंयोंन् बिलै मैंरिमुँ, खीजी बिथेंबै ताँमैं हजार-हजार पुस्तामैंए ल्हागिर ग।

भजनमैं 105:9

च बाछा खीजी अब्राहामने फैइ, खीजी फैबै बाछा पक्‍का तम् बिबै ताँर इसहाकने कसम चइ।

भजनमैं 32:8

“ङइ क्हिलाइ लोमिंब्मुँ,” बिसि याहवेहजी बिइ। “क्हि प्रल् त्हुबै घ्याँर ङइ क्हिलाइ डोरेमिंब्मुँ; ङइ क्हिलाइ लोदा-सैंदा लसि क्हिए फिर्न मि छरिब्मुँ।

भजनमैं 39:12

“ओ याहवेह, ङए प्राथना थेमिंनु, ङइ क्हिने ग्वार ह्रिमा क्हिजी थेमिंनु; ङ क्रोदै ग्वार ह्रिमा ङलाइ ल्होमिंन्! तलेबिस्याँ ङए खेमैं धोंलेन् ङ आगुए ह्‍युलर्बै म्हि ग, स्याँ म्हि मुँलेया ङ क्हिनेन् टिम्।

प्रस्थान 2:24

परमेश्‍वरजी चमैंए प्ल्हाबै सो हेंबै प्राथना थेइ, धै अब्राहाम, इसहाक नेरो याकूबने ह्रोंसइ फैबै बाछा मैंइ।

प्रस्थान 3:12

छबिमा परमेश्‍वरजी धबै बिइ, “ङ क्हिने बालु तब्मुँ। ङइ क्हिलाइ कुलब् ग बिबै चिनु चु तब्मुँ: क्हिइ च म्हिमैं मिश्रउँइँले तेइ पखमा क्हेमैंइ चु कोंर ङए सेवा लब्मुँ।”

प्रस्थान 6:4

चमैं आगुए ह्‍युलर ह्‍यासि टिबै कनान बिबै ह्‍युल ङइ चमैंलाइ पिंम् बिसि चमैंने बाछा फैइ।

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 6:8

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।”

फिलिप्पी 4:9

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

हिब्रू 11:9

बिश्‍वासउँइँलेन् अब्राहाम आगुए ह्‍युलर्बै म्हि धोंले परमेश्‍वरजी पिंस्‍यो बिसि बाछा फैबै ह्‍युलर टिइ। इसहाक नेरो याकूब धोंले च तम्बुजरे टिइ। चमैं या अब्राहामने बा-बालुन् परमेश्‍वरजी पिंम् बिसि बाछा फैबै हगवालमैं मुँल।

हिब्रू 6:17

परमेश्‍वरजी बाछा फैसि पिंम् बिबै सैमैं योंल् त्‍हुब्‍मैंलाइ “खीए ताँ खोंयोंइ आप्लिं,” बिसि उँइँमिंबै सैं लइ। छतसि खीजी कसम चसिन् च बाछा पक्‍का लइ।