उत्पत्ति 26:25 - परमेश्‍वरए ताँ तमु क्युइर

²⁵ झाइले इसहाकइ चर ख्रो पिंबै क्ल्ह्‍यो घ्रि बनेसि याहवेहए मिं क्वेइ। धै ह्रोंसए तम्बु चर्न टौंदिइ। चरै या चए केब्छैंमैंइ अर्को क्यु खादु घ्रि ताइ।

उत्पत्ति 26:25 ပူးပေါင်းရင်းမြစ်များ

उत्पत्ति 13:18

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

उत्पत्ति 13:4

चइ चर ओंसों ख्रो पिंबै क्ल्ह्‍यो बनेसि याहवेहए मिं किंल।

उत्पत्ति 22:9

धै परमेश्‍वरजी चने तेंबै क्ल्ह्‍योर फेबै लिउँइँ अब्राहामइ चर ख्रो पिंबै क्ल्ह्‍यो घ्रि बनेसि सिं थेंइ। धै ह्रोंसए च्ह इसहाक फैसि सिंए फिर थेंइ।

उत्पत्ति 26:32

च त्हिंइर्न इसहाकए केब्छैंमैंइ खेंमैंइ ताबै इनारए बारेर इसहाकने बिइ, “ङिइ ताबै क्ल्ह्‍योर क्यु त्होंइ।”

उत्पत्ति 33:20

चर चइ ख्रो पिंबै क्ल्ह्‍यो घ्रि बनेसि चए मिं एल-एलोह-इस्राएल थेंइ।

उत्पत्ति 35:1

च लिउँइँ परमेश्‍वरजी याकूबने बिइ, “रेसि बेथेलर ह्‍यादु धै चर्न टिद्। क्हिए आघें एसावउँइँले क्हि भौदिरिबै त्हेर क्हि ङाँर म्रोंयुबै परमेश्‍वरए मिंर ख्रो पिंबै ल्हागिर ख्रो पिंबै क्ल्ह्‍यो घ्रि चर बनेद्।”

उत्पत्ति 4:26

शेतलै या च्‍ह घ्रि तइ, चए मिं एनोश थेंमिंइ। च त्‍हेउँइँले म्‍हिमैंइ याहवेहए मिं किंबर होंइ।

उत्पत्ति 8:20

झाइले नोआइ याहवेहए ल्हागिर ख्रो पिंबै क्ल्ह्‍यो घ्रि बनेसि चल् तबै खेदोमैं नेरो नमेंमैं घ्रि-घ्रि किंसि परमेश्‍वरए मिंर ख्रो पिंइ।

भजनमैं 116:17

ङ क्हिए ल्हागिर धन्यबादए ख्रो पिंब्मुँ धै याहवेहए मिंर ग्वार ह्रिब्मुँ।

प्रस्थान 17:15

मोशाइ चर ख्रो पिंबै क्ल्ह्‍यो घ्रि बनेसि चए मिं “याहवेह ङए ताच्यैं (झन्डा) ग” थेंइ।