उत्पत्ति 26:24 - परमेश्‍वरए ताँ तमु क्युइर

²⁴ याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 26:24 ပူးပေါင်းရင်းမြစ်များ

उत्पत्ति 13:16

ङइ क्हिए प्हसेमैं पृथ्‍बीर्बै त्हुल् धोंलेन् ल्हें लमिंब्मुँ। खाबज्यै त्हुल् च्योल् आखाँ! त्हुल् च्योल् खाँम् बिस्याँ क्हिए प्हसेमैं या च्योल् खाँब्मुँ।

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 17:8

क्हि तोगो टिबै चु कनान ह्‍युल क्हि नेरो क्हिए लिउँइँ खबै सन्तानलाइ खोंयोंइ बिलै क्ल्हे तबर पिंब्मुँ, धै ङ चमैंए परमेश्‍वर तब्मुँ।”

उत्पत्ति 21:17

दिलेया परमेश्‍वरजी कोलो क्रोब थेइ। धै परमेश्‍वरए दूतजी स्वर्गउँइँले हागारने बिइ, “ओ हागार, क्हिए फिर तो दुःख तइ? क्हि आङ्हिंन्, तलेबिस्याँ कोलो क्रोब परमेश्‍वरजी थेइमुँ।

उत्पत्ति 22:17

क्हिए प्हसेमैं बडिसि मुर्बै सारमैं नेरो मा ङ्युँइर्बै बालुवा धोंलेन् ल्हें लमिंब्मुँ। क्हिए सन्तानइ खेंमैंए शत्तुरमैंए सहरमैं क्ल्हे लब्मुँ।

उत्पत्ति 22:19

च लिउँइँ अब्राहाम ह्रोंसए केब्छैंमैं ङाँर एखइ, झाइले चमैं ताँन् बेर्शेबा समा बा-बालुन् एखइ। धै अब्राहाम बेर्शेबार्न टिइ।

उत्पत्ति 24:12

झाइले चइ सैं न्हों-न्हों प्राथना लइ। “ओ ङए क्ल्हेए याहवेह परमेश्‍वर, ङए फिर ल्हयो खसि तिंयाँ ङए के छ्याँब् लमिंन्। झाइले ङए क्ल्हे अब्राहामए फिरै या ल्हयो खमिंन्।

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 28:15

ङ क्हिने बालु तब्मुँ। क्हि खनिर ह्‍यालेया ङइ जोगेमिंब्मुँ। धै क्हिलाइ चु ह्‍युलर एपखब्मुँ। ङइ क्हिने बिबै बाछा पूरा आलन् समा ङइ क्हि पिरिब् आरे।”

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 30:27

दिलेया लाबानइ चने बिइ, “याहवेहजी क्हिउँइँले ङए फिर आशिक पिंइमुँ बिब ङइ सेइमुँ। छतसि ङए फिर दयाम्हाँया मुँस्याँ अझै टिमिंन्।

उत्पत्ति 31:5

त्होसि चमैंने बिइ, “क्हेमैंए आबाए सैं ङने ओंसोंबै धों तब ङइ आम्रोंइमुँ। दिलेया ङए आबाए परमेश्‍वर ङने बालु मुँ।

उत्पत्ति 39:2

दिलेया याहवेह परमेश्‍वर योसेफने बालु मुँल। छतसि चर च प्लब् ततै ह्‍याइ। च ह्रोंसए क्ल्हे मिश्रीथेंए धिंर टिमल।

उत्पत्ति 39:3

“याहवेह चने बालु मुँब नेरो चइ लबै ताँन् केमैं याहवेहजी छ्याँब लमिंम्” बिसि चए क्ल्हे पोतीफरइ म्रोंसि

उत्पत्ति 46:1

याकूब (इस्राएल) ह्रोंसने मुँबै तोन्दोंरि सै किंसि प्रइ, धै बेर्शेबार खसि ह्रोंसए आबा इसहाकए परमेश्‍वरए मिंर ख्रो पिंइ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

मत्ती 22:32

‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

चेला चिब्मैंए केमैं 7:32

‘ङ क्‍हिए खेमैं अब्राहाम, इसहाक नेरो याकूबए परमेशवर ग।’ छ बिब् थेसि मोशा ङ्हिंसि त्हारइ, धै छाइ ङ्‍ह्‍योबै आँट लल् आखाँ।

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।

हिब्रू 13:6

छतसि ङ्योइ ढुक्‍कले बिले, “याहवेहजी ङलाइ ल्होमिंम्, छतसि ङ ङ्हिंरिब् आरे। म्‍हिमैंइ ङलाइ तो लल् खाँमुँ?”

दर्शन 1:17

खीलाइ म्रोंमा ङ सिब् धोंन् तसि खीए प्‍हलेर पत्गु तइ। दिलेया खीए क्‍योलो यो ङए फिर थेंसि खीजी बिइ, “आङ्हिंन्, ताँन् भन्दा ओंसोंबै नेरो ताँन् भन्दा लिउँइँबै ङन् ग।

रूथ 3:11

तारे ढुक्‍का तसि टिद्। क्हिलाइ चैदिबै के ङइ क्हिए लागिर लमिंब्मुँ, तलेबिस्याँ क्हि छ्याँबै सुबास मुँबै च्हमिरि ग बिसि चुर्बै ताँन् म्हिमैंइ सेइमुँ।