उत्पत्ति 26:22 - परमेश्‍वरए ताँ तमु क्युइर

²² च क्ल्ह्‍योउँइँले अर्को क्ल्ह्‍योर ह्‍यासि चइ धबै इनार ताइ। चर बिस्याँ खाबज्यै या प्होंगि लबर आख। छतसि चइ च इनारए मिं रहोबोत बिसि थेंइ। “तारेम् याहवेह परमेश्‍वरजी ङ्योलाइ टिबै क्ल्ह्‍यो पिंइमुँ। छतसि ङ्यो चु क्ल्ह्‍योर आशिक योंसि ल्हें ततै ह्‍याब्मुँ,” बिइ।

उत्पत्ति 26:22 ပူးပေါင်းရင်းမြစ်များ

उत्पत्ति 17:6

ङइ क्हिलाइ ल्हें सन्तानमैं पिंब्मुँ धै क्हिउँइँलेन् ल्हें ह्रेंमैं तब्मुँ। क्हिउँइँलेन् म्रुँमैं त्होंब्मुँ।”

उत्पत्ति 26:21

धबै चमैंइ अर्को क्यु खादु तामा चरै या छलेन् प्होंगि तइ। छतसि इसहाकइ चए मिं “सित्ना” थेंइ।

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 41:52

“ङइ दुःख योंबै ह्‍युलरै या परमेश्‍वरजी ङलाइ च्हमैं पिंइमुँ,” बिसि चइ च्ह च्योंबए मिं एफ्राइम थेंइ।

भजनमैं 118:5

बेल्‍ले दु:ख तमा ङइ याहवेहने ग्वार ह्रिइ, खीजी ङने ज्वाफ पिंइ, धै ङए दुःखउँइँले फ्रेमिंइ।

भजनमैं 119:32

क्हिजी बिबै घ्याँर ङ प्रइमुँ, तलेबिस्याँ क्हिजी ङए खों खाँसों ङ्हाँन् लमिंइमुँ!

भजनमैं 18:19

खीजी ङ खाबज्यै तोइ लल् आखाँबै क्ल्ह्‍योर पखसि ङलाइ जोगेमिंइ, तलेबिस्याँ खी ङने बालुन् सैं तोंल।

भजनमैं 4:1

ओ ङलाइ ठिक ठर्दिमिंबै परमेश्‍वर, ङइ ग्वार ह्रिमा ङलाइ ज्वाफ पिंन्। ङए फिर दुःख तमा क्हिजी ल्होमिंइ। ङए फिर दयाम्हाँया लमिंसि ङए प्राथना थेमिंन्!

प्रस्थान 1:7

दिलेया इस्राएलए सन्तानमैं बिस्याँ बेल्‍ले ल्हें ततै ह्‍यासि मिश्र ह्‍युल तिगोंन् चमैंइ प्लिंयाइ।