उत्पत्ति 26:12 - परमेश्‍वरए ताँ तमु क्युइर

¹² चर टिमा इसहाकइ खेति ल्हैदिइ। झाइले याहवेह परमेश्‍वरजी चए फिर आशिक पिंसि च बर्षर चइ ल्हें ल्हें रा-रोमैं खुइ।

उत्पत्ति 26:12 ပူးပေါင်းရင်းမြစ်များ

उत्पत्ति 24:1

अब्राहामए छ्ह ल्हें तसि खेब् तयाल् खाँल। याहवेहजी अब्राहामए तोन्दोंरि सैर आशिक पिंल।

उत्पत्ति 24:35

याहवेहजी ङए क्ल्हेए फिर ल्हें आशिक पिंबइले च बेल्‍ले थेबै म्हि तइमुँ। याहवेहजी चलाइ ल्हें र-क्युमैं, मेमैं क्लामैं, मारा, चाँदि, केब्छैं, केब्स्योमैं, सलुमैं नेरो गधामैं पिंइमुँ।

उत्पत्ति 25:11

अब्राहाम सिबै लिउँइँ चए च्ह इसहाकए फिर परमेश्‍वरजी आशिक पिंइ। च त्हेर इसहाक बेअर-लहै-रोइ ङाँर टिमल।

उत्पत्ति 26:29

छ लस्याँ ङिए फिर क्हिइ आछ्याँब लरिब् आरे। ङिज्यै या ङिए ह्‍युलउँइँले क्हिलाइ तोइ आलल्‍ले छेनालेन् कुल्मिंल। क्हि याहवेहए आशिक योंबै म्हि मुँन।”

उत्पत्ति 26:3

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 30:30

ङ खब् भन्दा ओंसों क्हिने बालु सै न्होर च्युगुदे मत्‍त्रे मुँल तोगो ल्हें तइमुँ। ङइ खनिर यो झोंलेया क्हिए फिर याहवेहजी आशिक पिंइमुँ। तारे ह्रोंसए धिं-नाँए ल्हागिर ङइ खोंयों तौदु लब?”

भजनमैं 67:6

परमेश्‍वरजी ङ्योए फिर आशिक पिंब्मुँ, छतसि सइ ल्हें रोमैं रोमिंब्मुँ।

भजनमैं 72:16

ह्‍युल तिगोंन् रा-रोमैंइ प्लिंरिगे; कोंए च्होजरे च रा-रोमैं बेल्‍ले छ्याँरिगे; च‍ए रोमैं लेबनान धोंले म्रेरिगे; च खर्कर्बै छि मौलिदिब् धोंले सहरर्बै म्हिमैं प्लोरिगे।

हितोपदेश 10:22

याहवेहए आशिकइ क्हि प्लब तम्, धै क्हिए फिर दु:ख तल् पिंरिब् आरे।

मत्ती 13:23

मलिलो सर तेबै प्‍लु परमेश्‍वरए ताँ थेसि क्वेंबै म्‍हि धोंन् तब् ग: चइ कोइ प्र, कोइ ट्हुच्‍यु धै कोइ सोंच्‍यु गुणा रोमैं रोम्।”

मत्ती 13:8

दिलेया कोइ प्‍लुमैं छ्याँबै सर तेइ, धै कोइ प्र, कोइ ट्हुच्‍यु, कोइ सोंच्यु गुणा रो रोइ।

मर्कूस 4:8

झाइले कोइ प्‍लु छ्याँबै सर फेइ। च प्‍लु म्‍लोखसि थेब ततै ह्‍याइ। धै कोइ सोंच्‍यु गुणा, कोइ टुच्‍यु गुणा, कोइ प्र गुणा रा-रोमैं ल्हें तइ।”

१ कोरिन्थी 3:6

ङइ प्‍लु प्‍लुइ, अपोल्‍लसइ क्‍यु झोंइ, दिलेया परमेश्‍वरजीन् धुँ बडिमिंइ।