उत्पत्ति 24:51 - परमेश्‍वरए ताँ तमु क्युइर

⁵¹ ङ्‍ह्‍योद्! रिबेका क्हिए उँइँर्न मुँ। याहवेहजी बिब् धोंले च क्हिए क्ल्हेए च्हए प्ह्रेंस्यो तरिगे। छतसि चलाइ बोसि ह्‍याद्।”

उत्पत्ति 24:51 ပူးပေါင်းရင်းမြစ်များ

उत्पत्ति 20:15

झाइले अबीमेलेकइ बिइ, “ङ्‍ह्‍योद्, ङए ह्‍युल क्हिए ओंसोंन् मुँ। क्हि खनिर टिदा ङ्हाँइमुँ चर्न टिद्।”

उत्पत्ति 24:15

चइ प्राथना लल् आखाँबै त्हेर्न अब्राहामए अलि नाहोर नेरो मिल्काए च्ह बतूएलए च्हमि रिबेका प्हैंदार गौरि तेंसि खइ।

उत्पत्ति 24:50

च लिउँइँ लाबान नेरो बतूएलइ बिइ, “चु ताँ याहवेहउँइँलेन् तब् ग। छतसि ङि क्हिने छ्याँब आछ्याँब तोइ बिल् आखाँ।

उत्पत्ति 24:52

अब्राहामए केब्छैंइ चमैंए ताँ थेबै लिउँइँ सर कुरसि मान लसि याहवेहलाइ फ्योइ।