उत्पत्ति 24:3 - परमेश्‍वरए ताँ तमु क्युइर

³ स्वर्ग नेरो पृथ्‍बीर्बै याहवेह परमेश्‍वरए उँइँर ङइ क्हिने कसम चबर ल्हैदिम्। क्हिइ ङए च्हए ल्हागिर तोगो ङ टिबै कनान ह्‍युलर्बै च्हमिरिमैं खाबै ब्ह्‍या लसि खैलसया आपखमिंन्।

उत्पत्ति 24:3 ပူးပေါင်းရင်းမြစ်များ

उत्पत्ति 14:19

“स्वर्ग नेरो पृथ्बी बनेबै ताँन् भन्दा थेबै परमेश्‍वरउँइँले अब्रामइ आशिक योंरिगे!

उत्पत्ति 14:22

दिलेया अब्रामइ सदोमर्बै म्रुँने बिइ, “स्वर्ग नेरो पृथ्बी बनेबै याहवेह ताँन् भन्दा थेबै परमेश्‍वरए उँइँरि ङइ छले कसम चइमुँ:

उत्पत्ति 21:23

छतसि ङ नेरो ङए च्ह-च्हमि, ङए क्वें-क्वेंमिंमैंने बालु क्हिइ स्योर तेबै केमैं खोंयोंइ लरिब् आरे बिसि ङने बालु चुर परमेश्‍वरए उँइँर बाछा फैद्। धै क्हिए फिर ङइ छ्याँब लब् धोंलेन् क्हिज्यै या ङए फिर छ्याँबै केमैं लम् बिसि ङने बाछा फैद्, धै क्हि टिबै चु ह्‍युलए ल्हागिरै या क्हिइ छ्याँबै केमैं लम् बिसि ङने बाछा फैद्।”

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 27:46

च लिउँइँ रिबेकाइ इसहाकने बिइ, “एसावइ ब्ह्‍या लबै चु हित्तीस्योमैंइ ङलाइ ककाँ क्युँ-क्युँ ङ्हाँन् लइ। याकूबज्यै चु ह्‍युलर्बै छाबै हित्तीस्योन् ब्ह्‍या लस्याँ ङ तले सोरिब? सिलेन् तम्!”

उत्पत्ति 28:1

झाइले इसहाकइ याकूब हुइसि आशिक पिंसि बिइ, “ओ च्हेज्यों, क्हिइ कनानी च्हमिरिमैं खाबै या ब्ह्‍या आलद्।

उत्पत्ति 28:8

झाइले “ङए आबाइ कनानी च्हमिरिमैं आखोमन बिबै या एसावइ क्होइ।”

उत्पत्ति 34:9

क्हेमैं ङिने बालु ङे-च्याद्। क्हेमैंए च्हमिमैं ङिलाइ पिंन्, ङिए च्हमिमैं क्हेमैंइ किंन्।

उत्पत्ति 38:2

चर यहूदाइ शूआ मिं लबै कनानीए च्हमि म्रोंसि चलाइ ब्ह्‍या लसि पखइ।

उत्पत्ति 47:31

धबै याकूबइ योसेफने बिइ, “छ बिस्याँ ङइ बिब् धोंलेन् लम्,” बिसि ङने कसम चद् बिमा योसेफइ कसम चइ। झाइले याकूब ह्रोंस रोबै क्ल्ह्‍योर्बै क्रेगुँर पद्खु तइ।

उत्पत्ति 50:25

झाइले याकूबए प्हसेमैंने कसम चबर ल्हैदिसि योसेफइ बिइ, “परमेश्‍वरजी क्हेमैंलाइ छेनाले ङ्‍ह्‍योब्मुँ। परमेश्‍वरजी क्हेमैंलाइ बोह्‍याम् बिबै क्ल्ह्‍योर क्हेमैं ह्‍यामा ङए ह्रुइबमैं या बोयाद्।”

उत्पत्ति 6:2

झाइले परमेश्‍वरए च्हमैंइ म्हिमैंए च्‍हमिमैं छ्याँब् म्रोंसि ह्रों-ह्रोंसइ खोबै प्ह्रेंस्योमैं पखइ।

उत्पत्ति 6:4

च त्‍हेर नेरो लिउँज्यै या पृथ्बीरि नेफिलिममैं मुँल। परमेश्‍वरए च्हमैं म्हिमैंए च्‍हमिमैं ङाँर ह्‍याब्रें लसि प्‍हसेमैं फिइ। चमैंन् स्योंम्बै भोंब्मैं-खाँब्मैं नेरो मिं कालिदिब्मैं मुँल।

भजनमैं 115:15

स्वर्क नेरो पृथ्‍बी बनेबै याहवेहउँइँले क्हेमैंइ आशिक योंरिगे!

भजनमैं 136:26

स्वगर्बै परमेश्‍वरलाइ धन्यबाद पिंन्। खीए म्हाँया खोंयोंन् बिलै तरिम्।

प्रस्थान 20:7

“ह्रोंसए याहवेह परमेश्‍‍वरए मिं फाकर्र्न आकिंन्, तलेबिस्याँ ङए मिं फाक्‍कर्न किंब्मैंलाइ ङइ छ्याब् ल्हैदिब्मुँ।

प्रस्थान 22:11

ह्रोंसए ङ्‍हेब्मैंए सैमैं ङइ आछुइमुँ बिसि याहवेहए ओंसों कसम चसि चमैं ङ्हिंए न्होंरि आक्ह्रिबै ताँ क्ह्रिरिगे। धै खेदोए क्ल्‍हेइ च ताँ ङिंरिगे, छलमा ङ्‍हेब्मैंए सै थेंबै म्हिइ खि फोल् आत्हु।

प्रस्थान 23:13

“ङइ बिबै ताँन् ताँ क्हेमैंइ सैंर थेंन्। अरू देवतामैंए मिं या आकिंन्। क्हेमैंए सुँउँइँले देवतामैंए मिं या आकिंन्।

प्रस्थान 34:16

क्हेमैंए च्हमैंइ चमैंए च्हमिमैं ब्ह्‍या लसि पखलै, धै च च्हमिमैंइ ह्रोंसए देवतामैं पूजा लसि क्हेमैंए च्हमैंलाज्यै या पूजा लबर ल्हैदिब्मुँ।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

हिब्रू 6:16

म्हिमैंइ कसम चल् त्हुमा ह्रोंस् भन्दा थेबै म्हिए मिंर कसम चम्। धै चमैंए आक्ह्रिबै ताँमैं कसम चइरि क्ह्रिल् लमिंम्।