उत्पत्ति 24:26 - परमेश्‍वरए ताँ तमु क्युइर

²⁶ छबिमा च म्हिइ ह्रोंसए क्र कुरसि बेल्‍ले मान्ले यो छ्युँ लसि याहवेहलाइ फ्योसि बिइ,

उत्पत्ति 24:26 ပူးပေါင်းရင်းမြစ်များ

उत्पत्ति 24:48

झाइले ङइ ह्रोंसए क्र कुरसि मान लसि याहवेहलाइ फ्योइ, धै ङए क्ल्हे अब्राहामए याहवेह परमेश्‍वरलाइ धन्यबाद पिंइ। तलेबिस्याँ ङए क्ल्हेए अलिए क्वेंमि चए च्हए ल्हागिर पिंबर ङ फेनल् त्हुबै घ्याँर खीजी डोरेसि पखमिंइ।

प्रस्थान 4:31

छले उँइँमा हारूनइ बिबै ताँ म्हिमैंइ क्वेंइ। धै याहवेहजी इस्राएलीमैंए न्हुँ लमना धै चमैंए दुःख या म्रोंइमुँ बिसि चमैंइ थेमा चमैंइ क्र कुरसि याहवेहलाइ फ्योसि खीए मिं क्वेइ।

उत्पत्ति 24:52

अब्राहामए केब्छैंइ चमैंए ताँ थेबै लिउँइँ सर कुरसि मान लसि याहवेहलाइ फ्योइ।

प्रस्थान 12:27

‘चु याहवेहजी दुःखउँइँले फ्रेमिंबै चाडए ख्रो ग। मिश्रर मुँबै इस्राएलीमैंए धिंजरे ह्‍यासि खीजी मिश्रीमैंलाइ ल्हिमा ङ्योए धिं पिथेंल।’” च ताँ थेसि म्हिमैं ताँनइ क्र कुरसि खीए सेवा लइ।

फिलिप्पी 2:10

छतसि स्वर्गरि, पृथ्‍बी फिर नेरो पृथ्‍बी न्होंरि मुँबै ताँन् सो प्ह्‍याबै सैमैंइ येशूए मिंर च्हि तुँल् त्हुब्मुँ।

भजनमैं 95:6

खो, क्र कुरसि खीलाइ फ्योले धै ङ्यो बनेबै याहवेहए ओंसों च्हि तुँले!

भजनमैं 72:9

क्यु आयोंबै क्‍ल्‍ह्‍योर्बै ह्रेंमैं चए उँइँर कुरब्मुँ, धै चए शत्तुरमैंइ त्हुल ल्हेंब्मुँ!

भजनमैं 66:4

पृथ्बीर मुँबै तोंन्दोरि सैमैंइ क्हिए प्हले फ्योम्, चमैंइ क्हिलाइन थेब् लदै क्वे प्रिंम्, चमैंइ क्हिए मिं थेब् लदै क्वे प्रिंम्।” तिस्याँदे मैंन्

भजनमैं 22:29

ह्‍युलर्बै ताँन् प्लो प्लोब्मैंइ भोज चदै सैं तोंदै क्हिए मिं क्वेब्मुँ। ह्रोंसलाइ जोगेल् आखाँब्मैं सर्न कोंनेल् त्हुब्मुँ, चमैं ताँनइ क्हिए उँइँर्न च्हि तुँब्मुँ।

प्रस्थान 34:8

छ बिबै तोंदोंन् मोशाइ सर क्र कुरसि परमेश्‍वरलाइ फ्योइ।

उत्पत्ति 22:5

धै अब्राहामइ चए केब्छैंमैंने बिइ, “क्हेमैं चुर गधा ङाँर टिरिद्। ङ नेरो चु कोलो ताइ ह्‍यासि ख्रो पिंसि क्हेमैं ङाँर्न एयुम्।”

उत्पत्ति 24:25

रिबेकाइ धबै चने बिइ, “ङिने छि नेरो पराल ल्हें मुँ। टिबै क्ल्ह्‍यो या मुँ।”