उत्पत्ति 24:22 - परमेश्‍वरए ताँ तमु क्युइर

²² सलुमैंइ क्यु थुँल् खाँबै लिउँइँ च म्हिइ आधा तोलाए माराए फुलि नेरो तोला च्युए माराए रयाँ ङ्हिं ट्हुइसि रिबेकाने

उत्पत्ति 24:22 ပူးပေါင်းရင်းမြစ်များ

उत्पत्ति 24:10

च लिउँइँ च केब्छैं ह्रोंसए क्ल्हेए च्युउँलो सलु नेरो ताँन् खालर्बै छ्याँ-छ्याँबै सैमैं किंसि अराम-नाहारैमउँइँले तसि नाहोरए ह्‍युलर ह्‍याइ।

उत्पत्ति 24:23

“क्हि खाबै च्हमि जा? क्हिए आबाए धिंर ङि टिबै क्ल्ह्‍यो मुँ वा?” बिसि ङ्योएइ।

उत्पत्ति 24:30

तलेबिस्याँ लाबानइ ह्रोंसए अङाँए नखुँर नथ नेरो योर रयाँ खिब म्रोंल। धै च म्हिइ ङने छ बिल बिबै ताँ चए अङाँउँइँले ओंसोंन् थेल। छतसि लाबान च म्हि ङाँर ह्‍याइ।

उत्पत्ति 24:47

“झाइले ङइ ‘क्हि खाबए च्हमि जा?’ बिसि चने ङ्योएमा चइ ‘नाहोर नेरो मिल्काए च्ह बतूएलए च्हमि ग’ बिइ। छबिमा चए नखुँर ङइ फुलि नेरो योर रयाँमैं खिमिंइ।

उत्पत्ति 24:53

च लिउँइँ चइ मारा नेरो चाँदिए घाँनामैं नेरो क्वेंमैं पखसि रिबेकालाइ पिंइ। चए आघें नेरो आमालाज्यै या सै ल्हें फेबै ह्रोमै-क्होल्सैमैं पिंइ।

एस्तर 5:1

बर्त टिसि सोंरोर एस्तरइ म्रुँस्योइ खिल् त्हुबै क्वें खिइ, धै म्रुँए दरबारए न्होंर्बै ह्‍युर ह्‍यासि रारिइ। च त्हेर म्रुँ ह्रोंसए गद्दिर क्हुँसि मुल म्राउँइँ ह्‍वेंरिल।

१ पत्रुस 3:3

क्‍हेमैं छ्याँब् म्रोंरिगे बिसि सै ल्हें फेबै क्‍वें नेरो घाँनामैं खिसि क्र सिंङ्गार्दिसि प्रब आङिं।

१ पत्रुस 3:8

आखिरि ताँ चु मुँ: क्‍हेमैं ताँनए सैं घ्रि तद्। अरूए फिर दुःख तमा ल्‍हयो खद्। घ्रिइ घ्रिलाइ ह्रोंसए अलि-अङाँमैंने धोंले म्हाँया लद्। आगुए फिर ल्हयो खद्, सैं सारो आलद्।