उत्पत्ति 24:14 - परमेश्‍वरए ताँ तमु क्युइर

¹⁴ खाब् च्हमिरिने ङइ ‘क्हिए गौरिउँइँले ङ क्यु थुँल् पिंन्’ बिमुँ, धै चइ ङने ‘अँ अँ थुँन्! ङइ क्हिए सलुमैं या क्यु खासि थुँल् पिंम्,’ बिमुँ, च च्हमिरिन् क्हिए केब्छैं इसहाकए ल्हागिर क्हिजी त्हाँबै प्ह्रेंस्यो तरिगे। छलस्याँ ङए क्ल्हेए फिर क्हिजी ल्हयो खना बिसि ङइ सेब्मुँ।”

उत्पत्ति 24:14 ပူးပေါင်းရင်းမြစ်များ

उत्पत्ति 15:8

दिलेया अब्रामइ खीने “ओ याहवेह परमेश्‍वर, ङ चु ह्‍युलए क्ल्हे तल् योंम् बिसि ङइ खैले सेल् खाँम्?” बिसि ङ्योएइ।

उत्पत्ति 24:13

ङ चु क्यु खादु ङाँर रारिइमुँ, सहरर्बै म्हिमैंए च्हमिमैं क्यु खाबर खसिन् मुँ।

उत्पत्ति 24:15

चइ प्राथना लल् आखाँबै त्हेर्न अब्राहामए अलि नाहोर नेरो मिल्काए च्ह बतूएलए च्हमि रिबेका प्हैंदार गौरि तेंसि खइ।

उत्पत्ति 24:18

चइ “तम्, थुँन्” बिसि आतुरल्‍ले गौरि ह्रोंसए योर थेंसि चलाइ क्यु थुँल् पिंइ।

उत्पत्ति 24:19

चलाइ क्यु पिंल् खाँबै लिउँइँ चइ बिइ, “ङइ क्यु खासि क्हिए सलुमैं या म्रेंनाले थुल् पिंम्।”

उत्पत्ति 24:43

ङ्‍ह्‍योद्, ङ इनारर रारिइमुँ। क्यु खाबर खबै च्हमिरि घ्रिने ङइ “क्हिए गौरिउँइँले ङलाइ च्युगुदे क्यु थुँल् पिंन्” बिमा

उत्पत्ति 24:44

चइ ङने “थुँन्, थुँन् बिदै ङ क्यु थुँल् पिंसि क्हिए सलुमैंलाज्यै या ङइ क्यु ख्योमिंब्मुँ,” बिमुँ, च च्हमिरिन् ङए क्ल्हेए च्हए ल्हागिरि क्हिजी त्हाँबै प्ह्रेंस्यो तरिगे।’

हितोपदेश 19:14

धिं नेरो सै न्होरमैं आबाउँइँले खम्, दिलेया च्हैंब् मैंब् लल् खाँबै प्ह्रेंस्यो बिस्याँ याहवेहउँइँले खम्।

रोमी 1:10

ङ क्‍हेमैं ङाँर खैलसेया खल् योंरिगे बिसेया ङइ परमेश्‍वरने प्राथना लसिन् मुँ।