उत्पत्ति 24:12 - परमेश्‍वरए ताँ तमु क्युइर

¹² झाइले चइ सैं न्हों-न्हों प्राथना लइ। “ओ ङए क्ल्हेए याहवेह परमेश्‍वर, ङए फिर ल्हयो खसि तिंयाँ ङए के छ्याँब् लमिंन्। झाइले ङए क्ल्हे अब्राहामए फिरै या ल्हयो खमिंन्।

उत्पत्ति 24:12 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 24:21

च म्हि बिस्याँ याहवेहजी ह्रोंसए केमैं छ्याँब लमिंब ङिंब् उ आङिंगे बिसि था सेबर आपोंनले च ङाँइ ङ्ह्‍योरिइ।

उत्पत्ति 24:27

“ङए क्ल्हे अब्राहामए याहवेह परमेश्‍वर बेल्‍ले थेब मुँ। खीजी ङए क्ल्हेने फैबै बाछा पूरा लमिंइ। तलेबिस्याँ याहवेहजी ङलाइ घ्याँर डोरेसि ङए क्ल्हेए ङेंमैंए धिंर पखमिंइमुँ।”

उत्पत्ति 24:42

“तिंयाँ क्यु खादुर फेखसि ङइ छ बिसि प्राथना लइ, ‘ओ याहवेह, ङए क्ल्हे अब्राहामए परमेश्‍वर, क्हिए सैं मुँस्याँ क्हिजी ङए केमैं छ्याँब लमिंन्।

उत्पत्ति 24:48

झाइले ङइ ह्रोंसए क्र कुरसि मान लसि याहवेहलाइ फ्योइ, धै ङए क्ल्हे अब्राहामए याहवेह परमेश्‍वरलाइ धन्यबाद पिंइ। तलेबिस्याँ ङए क्ल्हेए अलिए क्वेंमि चए च्हए ल्हागिर पिंबर ङ फेनल् त्हुबै घ्याँर खीजी डोरेसि पखमिंइ।

उत्पत्ति 26:24

याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 27:10

च ट्हा किंसि क्हि आबा ङाँर ह्‍याद्। झाइले च चसि च सिब् भन्दा ओंसों क्हिलाइ आशिक पिंरिगे।”

उत्पत्ति 27:20

इसहाकइ ह्रोंसए च्हने “ओ ठागु, क्हिइ च्हौ युनन् खैले फो स्यासि सैइ?” बिसि ङ्योएमा चइ बिइ, “याहवेह क्हिए परमेश्‍वरजी ल्होमिंबइले ङइ चु योंल् खाँइ।”

उत्पत्ति 28:13

याहवेह चए रेर रासि याकूबने बिइ, “ङ याहवेह, क्हिए बाज्यु अब्राहामए परमेश्‍वर नेरो क्हिए आबा इसहाकए परमेश्‍वर ग। क्हि तोगो रोरिबै क्ल्ह्‍यो क्हि नेरो क्हिए सन्तानमैं ङइ पिंब्मुँ।

उत्पत्ति 31:42

ङए आबाए परमेश्‍वर, ङए बाज्यु अब्राहाम नेरो इसहाकए परमेश्‍वर ङने बालु आरेस्याँ क्ह्रोंसेंन क्हिइ ङए यो क्होत्तेन् कुल्मिंमल। दिलेया ङइ योंबै दुःख नेरो ङइ लबै के खीजी म्रोंइ। छतसि खीजी तल् म्हुँइँसर क्हिलाइ हौदिब् ग।”

उत्पत्ति 32:10

क्हिजी ह्रोंसए केब्छैंए फिर कति ल्हें म्हाँया लसि उँइँमिंइमुँ दिलेया च म्हाँया योंबै लायकर्बै ङ आरे। तलेबिस्याँ ङ प्हरे घ्रि मत्‍त्रे छेसि यर्दन स्यों तर्दिसि ह्‍याल। तोगो ङल बगाल ङ्हिं तइमुँ।

उत्पत्ति 32:9

धै याकूबइ छले प्राथना लइ, “ओ ङए बाज्यु अब्राहाम, ङए आबा इसहाकए परमेश्‍वर, ओ याहवेह, क्हिजी ङने ‘क्हि क्हिए ह्‍युलर क्हिए ङे-ट्हुमैं ङाँर ह्‍याद्। ङइ क्हिए तोन्दोंरि सै छ्याँब लमिंस्यो’ बिल।

उत्पत्ति 43:14

क्हेमैंए अर्को अलि नेरो बेन्यामीन फ्रेपखबै ल्हागिर च म्हिए उँइँरि तोन्दोंरि सै लल् खाँबै परमेश्‍वरजी क्हेमैंए फिर ल्हयो खरिगे। ङ प्हसे आरेब् तयाम् बिलेन तरिगे।”

भजनमैं 118:25

“ओ याहवेह, ङि जोगेमिंन्” बिसि ङ क्हिने यो छ्युँ लम्! ओ याहवेह, ङ क्हिने यो छ्युँ लमुँ, ङिए सैंर मैंब् धों लमिंन्।

भजनमैं 122:6

यरूशलेमर शान्ति तरिगे बिसि प्राथना लद्! “क्हिए फिर म्हाँया लब्मैंल बिब् धों तरिगे!

भजनमैं 127:1

याहवेहजीन् धिं आबनेस्याँ बनेब्मैंए के फाकर्न तम्। याहवेहजीन् सहर आरुँमिंस्याँ रुँब्मैंइ रुँब फाकर्न तम्।

भजनमैं 37:5

ह्रोंसइ लल् म्हैबै तोन्दोंरि के याहवेहए योर्न थेंवाँन्, खीए फिर्न भर थेंन्, धै क्हिए ल्हागिर तो लल् त्हुमुँ खीजीन् लमिंब्मुँ।

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

हितोपदेश 3:6

ह्रोंसइ लल् म्हैबै केर खीलाइ मैंन्, धै खीजी क्हिलाइ छ्याँबै घ्याँर डोरेब्मुँ।

मत्ती 22:32

‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।