उत्पत्ति 23:6 - परमेश्‍वरए ताँ तमु क्युइर

⁶ “ओ चिब, ङिए ताँ थेद्! ङिए म्हाँजोर क्हि ह्रब् सेब् नेरो चिब ग। छतसि ङिए छगोंमैं न्होंर ताँन् भन्दा छ्याँबै छगों त्हाँसि क्हिए प्ह्रेंस्योए सिनु पाद्। क्हिए प्ह्रेंस्योए सिनु पाबै क्ल्ह्‍यो आपिं बिसि ङिइ बिरिब् आरे।”

उत्पत्ति 23:6 ပူးပေါင်းရင်းမြစ်များ

उत्पत्ति 13:2

अब्राम बेल्‍ले प्लबै म्हि मुँल तलेबिस्याँ चने खेदोमैं मारा-चाँदिमैं ल्हें मुँल।

उत्पत्ति 14:14

झाइले अब्रामइ ह्रोंसए अलिए च्हलाइ फैसि बोबै ताँ थेसि ह्रोंसए धिंर फिसि तालिम योंबै सोंब्ब्रासे च्युसे प्रे केब्छैंमैं किंसि चमैं दान बिबै क्ल्ह्‍यो समा ल्हाबोइ।

उत्पत्ति 18:12

छतसि सारा सैं न्हों-न्हों “ङ माँब् तयाल् खाँइमुँ ङए प्युँ या खेब् तयाल् खाँइमुँ छाबै त्हेरै या ङ सैं तोंल् योंम् रो वा?” बिसि निस्योइ।

उत्पत्ति 20:7

तारे अब्राहामए प्ह्रेंस्यो एवाद्, तलेबिस्याँ च अगमबक्‍ता ग। चइ क्हिए ल्हागिर प्राथना लमिंब्मुँ, धै क्हि सोब्मुँ। दिलेया क्हिइ च च्हमिरि आएमिंस्याँ क्हि नेरो क्हिए ताँन् म्हिमैं खैलेबिलेया सियाब्मुँ बिसि सैंर मैंन्।”

उत्पत्ति 21:22

च त्हेर अबीमेलेक म्रुँ नेरो चए सेनापति पिकोलइ अब्राहामने बिइ, “क्हिइ लबै तोन्दोंरि केर परमेश्‍वरजी आशिक पिंइमुँ।

उत्पत्ति 23:5

हित्तीमैंइ अब्राहामने बिइ,

उत्पत्ति 23:7

चमैंइ छ बिब् थेसि अब्राहाम हित्तीमैं ओंसों कुरसि चमैंलाइ फ्योइ।

उत्पत्ति 24:18

चइ “तम्, थुँन्” बिसि आतुरल्‍ले गौरि ह्रोंसए योर थेंसि चलाइ क्यु थुँल् पिंइ।

उत्पत्ति 24:35

याहवेहजी ङए क्ल्हेए फिर ल्हें आशिक पिंबइले च बेल्‍ले थेबै म्हि तइमुँ। याहवेहजी चलाइ ल्हें र-क्युमैं, मेमैं क्लामैं, मारा, चाँदि, केब्छैं, केब्स्योमैं, सलुमैं नेरो गधामैं पिंइमुँ।

उत्पत्ति 31:35

राहेलइ ह्रोंसए आबाने बिइ, “आबा, क्हि ङने ह्रिस आखद् ओ। ङ क्होर्बै तइमुँ छतसि क्हिए ओंसों रेल् आखाँ।” छले चइ म्हैबम् म्हैइ दिलेया धिंर्बै देवतामैं ‍योंल् आखाँ।

उत्पत्ति 32:18

‘चु क्हिए केब्छैं याकूबल ग। चु ताँन् चए क्ल्हे एसावए ल्हागिरि क्होल्सै बिसि कुल्मिंब् ग। च ङिए लिलि खसिन् मुँ,’ बिसि बिद्।”

उत्पत्ति 42:10

चमैंइ योसेफने बिइ, “ओ चिब, छ आङिं। ङि क्हिए केब्छैंमैं म्‍ल्ह-नारिमैं किंबर खब् ग। ङि ताँन् म्हि घ्रिए च्हमैं ग।

उत्पत्ति 44:5

ङए क्ल्हेए चाँदिए प्ह्‍येल तले पखल? चु प्ह्‍येलर्न ङए क्ल्हेइ थुँबै सैमैं थुँम्, धै च प्ह्‍येलउँइँलेन् चइ छ्याँब्-आछ्याँब फेलम् चु क्हेमैंइ बेल्‍ले आछ्याँबै के लइ।’”

उत्पत्ति 44:8

ङिए नेंदोंमैंए सुँर ओंसों योंबै चाँदि ङिइ कनान ह्‍युलउँइँले एसि चुर पखइ, आङिं वा? ङिइ खैले क्हिए क्ल्हेए धिंउँइँले चाँदि नेरो मारा ह्‍योमल?

प्रस्थान 32:22

हारूनइ बिइ, “ओ चिब, क्हि ङने ह्रिस आखमिंन्। चु म्हिमैं खैतब् मुँ बिसि क्हिइ सेइमुँ। चुमैं खोंयोंन् बिलै आछ्याँबै के लदा ङ्हाँइमुँ।

रूथ 2:13

छबिमा रूथइ बिइ, “ङ क्हिए क्येब्स्यो आङिंलै या क्हिइ ङए सैं क्होमिंसि ङए फिर ल्हयो लइ, छलेन् खोंयोंन् बिलै ङइ क्हिउँइँले ल्हयो योंरिगे।”