उत्पत्ति 22:9 - परमेश्‍वरए ताँ तमु क्युइर

⁹ धै परमेश्‍वरजी चने तेंबै क्ल्ह्‍योर फेबै लिउँइँ अब्राहामइ चर ख्रो पिंबै क्ल्ह्‍यो घ्रि बनेसि सिं थेंइ। धै ह्रोंसए च्ह इसहाक फैसि सिंए फिर थेंइ।

उत्पत्ति 22:9 ပူးပေါင်းရင်းမြစ်များ

उत्पत्ति 12:7

च लिउँइँ याहवेह अब्राम ङाँर म्रोंयुसि चने बिइ, “ङइ क्हिए सन्तानमैं चु ह्‍युल पिंब्मुँ।” छ बिबै लिउँइँ याहवेहए ल्हागिर चइ ख्रो पिंबै क्ल्ह्‍यो घ्रि चर बनेइ।

उत्पत्ति 12:8

च क्ल्ह्‍योउँइँले ह्‍यासि च बेथेलए स्यारउँइँ मुँबै कोंर टिइ। धै बेथेललाइ पश्‍चिमउँइँ नेरो ऐ सहरलाइ स्यारउँइँ लसि ह्रोंसए तम्बु टौंदिइ। चर चइ याहवेहए ल्हागिर ख्रो पिंबै क्ल्ह्‍यो घ्रि बनेसि याहवेहए मिं किंइ।

उत्पत्ति 13:18

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

उत्पत्ति 22:10

झाइले अब्राहामइ ह्रोंसए च्ह ख्रो पिंब् बिसि छुरि क्वेइ।

उत्पत्ति 22:8

अब्राहामइ बिइ, “च्हेज्यों, ख्रो पिंबै क्यु झज परमेश्‍वरजीन् जुरेमिंम्,” बिसि चमैं ङ्हिं बालुन् ह्‍याइ।

उत्पत्ति 8:20

झाइले नोआइ याहवेहए ल्हागिर ख्रो पिंबै क्ल्ह्‍यो घ्रि बनेसि चल् तबै खेदोमैं नेरो नमेंमैं घ्रि-घ्रि किंसि परमेश्‍वरए मिंर ख्रो पिंइ।

भजनमैं 118:27

याहवेहन् परमेश्‍वर ग, खीजी ङ्योलाइ चारबै ह्‍वे पिंइमुँ। छतसि सिं धुँए हाँगमैं छेसि चाड म्हाँदिब्मैंने बालु सैं तोंदै ख्रो पिंबै क्ल्ह्‍यो समा क्रेयाद्।

मत्ती 27:2

झाइले चमैंइ खीलाइ फैसि रोमी क्रथे पिलातस ङाँर बोसि पिंवाइ।

मर्कूस 15:1

झाइले न्‍हाँगर मि म्रोंबै तोदोंन् ख्रो पिंबै खेगि चिब्मैं, चिबनाँब्मैं, शास्‍त्रिमैं नेरो थेबै म्हि च्होंर खागु तबै म्हिमैंइ सल्‍ला लसि येशूलाइ फैसि पिलातस बिबै रोमी क्रथे ङाँर बोयाइ।

चेला चिब्मैंए केमैं 8:32

चइ खेरिबै कितबर्बै ताँ चु मुँल, “सैबर बोबै क्यु नेरो पै प्ह्रेबै क्यु पै प्ह्रेबै म्हिए उँइँर तोइ आबिल्‍ले टिब् धोंले, खीजी ह्रोंसए सुँउँइँले तिजी या आपों।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

याकूब 2:21

ङ्योए खे अब्राहामइ ह्रोंसए च्‍ह इसहाकलाइ परमेश्‍वरए मिंर ख्रो पिंबर होंइ। छतसि परमेश्‍वरए उँइँर च ठिक के लबै म्हि तइ, आङिं वा?

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।