उत्पत्ति 22:8 - परमेश्‍वरए ताँ तमु क्युइर

⁸ अब्राहामइ बिइ, “च्हेज्यों, ख्रो पिंबै क्यु झज परमेश्‍वरजीन् जुरेमिंम्,” बिसि चमैं ङ्हिं बालुन् ह्‍याइ।

उत्पत्ति 22:8 ပူးပေါင်းရင်းမြစ်များ

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

उत्पत्ति 22:14

छतसि अब्राहामइ च क्ल्ह्‍योए मिं “याहवेहजी जुरेमिंब्मुँ” थेंइ। “याहवेहए कोंर खीजी जुरेमिंब्मुँ” बिसि तिंजरो या म्हिमैंइ बिरिम्।

उत्पत्ति 22:7

छले ह्‍यारिमा इसहाकइ ह्रोंसए आबाने बिइ, “ओ आबा।” आबाइ बिइ, “तो बिल, च्हेज्यों?” चइ बिइ, “ङ्योने मि नेरो सिंमैं मुँ, दिलेया ख्रो पिंबै क्यु झज खोइ?”

उत्पत्ति 22:9

धै परमेश्‍वरजी चने तेंबै क्ल्ह्‍योर फेबै लिउँइँ अब्राहामइ चर ख्रो पिंबै क्ल्ह्‍यो घ्रि बनेसि सिं थेंइ। धै ह्रोंसए च्ह इसहाक फैसि सिंए फिर थेंइ।

मत्ती 19:26

येशूजी चमैं ङाँइ ङ्‌ह्‍योसि बिइ, “म्‍हिमैंइ लल् आखाँबै सै परमेश्‍वरजी लल् खाँम्।”

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 1:36

येशू ह्‍यारिब् म्रोंसि बिइ, “ङ्‌ह्‍योत्‍ति, परमेश्‍वरए क्‍यु झज खीन् ग।”

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 5:12

च स्वर्गदूतमैंइ बेल्‍ले थेबै कैले “सैवाबै क्‍यु च्हज तोन्दोंरि लल् खाँब, भोंब, ह्रब, म्हारब, छ्याँब, माब, ताँनइ म्हाँदिल् त्हुब मुँ!” बिसि क्वे प्रिंमल।

दर्शन 5:6

झाइले ङइ राजगद्दिए म्‍हाँजोरि, अथवा च सो प्ह्‍याबै सै प्लि नेरो ङ्हिस्युसे प्लि चिब्मैंए म्‍हाँजोरि, क्‍यु च्हज घ्रि रारिब् म्रोंइ। च क्‍यु च्हज सैवाल् खाँब् धों ब्‍योंब् मुँल। चल रुँ ङि नेरो मि ङि मुँल। चए मिमैं पृथ्‍बी तिगोंन् कुल्‍मिंबै परमेश्‍वरए प्ल्ह ङि मुँल।

दर्शन 7:14

ङइ चने बिइ, “ओ चिब, ङलाइ था आरे। चु ताँ क्‍हिजीन् सेइमुँ।” चइ ङने बिइ, “चमैं थेबै दुःख सैदिसि खब्‍मैं ग। चमैंइ ह्रों-ह्रोंसए क्‍वेंमैं क्‍यु च्हजए कोर ख्रुसि फोस्रे ब्योंब लइमुँ।