उत्पत्ति 22:3 - परमेश्‍वरए ताँ तमु क्युइर

³ छबिमा अब्राहाम न्हाँकर्न रेसि ख्रो पिंबै सिं क्लेसि गधाए फिर तेमैं फैइ। धै चए केब्छैं ङ्हिं नेरो च्ह इसहाक किंसि परमेश्‍वरजी चने बिबै क्ल्ह्‍योउँइँ ह्‍याइ।

उत्पत्ति 22:3 ပူးပေါင်းရင်းမြစ်များ

उत्पत्ति 17:23

च त्हिंइर्न अब्राहामइ ह्रोंसए च्ह इश्‍माएल नेरो ह्रोंसए धिंर फिबै केब्छैंमैं नेरो ह्रोंसए धिंर्बै ताँन् मुँयुँमैंल परमेश्‍वरजी बिब् धोंले ज्युर चिनु लइ।

उत्पत्ति 21:14

छ बिबै प्हँन्हाँगधों अब्राहाम न्हाँकर्न रेसि क्हें नेरो क्युए छकला (मशक) घ्रि हागारए प्हैंदार थेंमिंइ, धै च नेरो कोलो ङ्हिंना-ङ्हिंन् कुल्मिंइ। झाइले हागार बेर्शेबा बिबै तोइ आरेबै क्ल्ह्‍योजरे स्युर प्रइ।

उत्पत्ति 22:18

ङए ताँ क्हिइ ङिंइ। छतसि क्हिए सन्तानउँइँले ह्‍युलर्बै ताँन् ह्रेंमैंइ आशिक योंब्मुँ।”

उत्पत्ति 22:2

झाइले परमेश्‍वरजी बिइ, “क्हिइ बेल्‍ले खोबै क्हिए घ्रिदे मुँबै च्ह इसहाक किंसि ङइ तेंबै क्ल्ह्‍यो मोरियाह ह्‍युलर्बै कोंर ह्‍यासि च कोलो ख्रो पिंन्।”

उत्पत्ति 22:4

छले ह्‍यारिमा सोंरोर अब्राहामइ च क्ल्ह्‍यो ह्रेंगोर म्रोंइ।

भजनमैं 119:60

क्हैल् आलल्‍ले युन्ले क्हिजी ल्हैदिबै के लबै सैं ङल् मुँ।

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

लूका 14:26

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

गलाती 1:16

झाइले ङइ अरू ह्रेंमैं ङाँर सैं तोंबै ताँ बिप्ररिगे बिसि परमेश्‍वरजी ङलाइ खीए च्‍हए दर्शन पिंइ। खीजी छाबै दर्शन पिंबइले ङइ “सैं तोंबै ताँ खैब जा?” बिसि खाब्ने या सल्‍ला किंल् आत्हु।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।