उत्पत्ति 22:23 - परमेश्‍वरए ताँ तमु क्युइर

²³ बतूएल रिबेकाए आबा तइ। चु प्रेउँलो च्हमैं अब्राहामए अलि नाहोरउँइँले मिल्काइ फिब् ग।

उत्पत्ति 22:23 ပူးပေါင်းရင်းမြစ်များ

उत्पत्ति 11:29

अब्राहम नेरो नाहोरइ ब्ह्‍या लसि प्ह्रेंस्यो पखइ। अब्राहमए प्ह्रेंस्योए मिं साराई नेरो नाहोरए प्ह्रेंस्योए मिं मिल्का मुँल। मिल्का हरानए च्हमि मुँल। मिल्का नेरो यिस्काए आबा हरान मुँल।

उत्पत्ति 22:22

धै केसेद, हजो, पिलदाश, यिदलाप नेरो बतूएल।

उत्पत्ति 22:24

चइ ब्ह्‍या लसि पखबै रुमा मिं लबै प्ह्रेंस्योज्यै तेबह, गहम, तहस नेरो माका फिइ।

उत्पत्ति 24:15

चइ प्राथना लल् आखाँबै त्हेर्न अब्राहामए अलि नाहोर नेरो मिल्काए च्ह बतूएलए च्हमि रिबेका प्हैंदार गौरि तेंसि खइ।

उत्पत्ति 24:24

रिबेकाइ चने बिइ, “ङ नाहोरउँइँले मिल्काइ फिबै बतूएलए च्हमि ग।”

उत्पत्ति 24:47

“झाइले ङइ ‘क्हि खाबए च्हमि जा?’ बिसि चने ङ्योएमा चइ ‘नाहोर नेरो मिल्काए च्ह बतूएलए च्हमि ग’ बिइ। छबिमा चए नखुँर ङइ फुलि नेरो योर रयाँमैं खिमिंइ।

उत्पत्ति 24:51

ङ्‍ह्‍योद्! रिबेका क्हिए उँइँर्न मुँ। याहवेहजी बिब् धोंले च क्हिए क्ल्हेए च्हए प्ह्रेंस्यो तरिगे। छतसि चलाइ बोसि ह्‍याद्।”

उत्पत्ति 24:60

चमैंइ रिबेकाए फिर आशिक पिंसि बिइ, “ओ ङिए रिं, क्हिल ल्हें ल्हें प्हसेमैं तरिगे धै क्हि ल्हें सन्तानए आमा तरिगे, झाइले क्हिए सन्तानइ खेंमैंने ख्रे लब्मैंए सहरमैं ट्होरिगे।”

उत्पत्ति 24:67

झाइले इसहाकइ रिबेका ह्रोंसए आमा साराए तम्बुर बोसि ब्ह्‍या लइ। छले रिबेका इसहाकए प्ह्रेंस्यो तइ। धै चइ रिबेकालाइ म्हाँया लइ। छले ह्रोंसए आमा सियाबै लिउँज्यै या इसहाकइ भों योंइ।

उत्पत्ति 25:20

इसहाक प्लिच्यु बर्षर्बै तमा पद्दन-आरामथें अरामी बिबै बतूएलए च्हमि रिबेकाने ब्ह्‍या लइ।

उत्पत्ति 28:2

पद्दन-आराम बिबै ह्‍युलर ङए कें क्हिए बाज्यु बतूएलए धिंर ह्‍यासि क्हिए मामा लाबानए च्हमि घ्रि ब्ह्‍या लद्।

उत्पत्ति 28:5

छबिसि इसहाकइ याकूब कुलइ। धै पद्दन-आराम बिबै ह्‍युलर एसाव नेरो याकूबए आमा रिबेकाए आघें अरामथें बतूएलए च्ह लाबान ङाँर ह्‍याइ।

रोमी 9:10

च च्ह ङ्योए खे इसहाक मुँल, लिउँइँ इसहाकए प्‍ह्रेंस्‍यो रिबेकाइ जौंले च्‍हमैं फिइ।