उत्पत्ति 22:13 - परमेश्‍वरए ताँ तमु क्युइर

¹³ झाइले अब्राहामइ कोंउँइँ ङ्‍ह्‍योमा क्यु साँढे घ्रि झ्याडिर रु क्होरिब् म्रोंइ। धै अब्राहाम ह्‍यासि च क्यु साँढे पखसि ह्रोंसए च्हए क्ल्ह्‍योरि च क्युए ख्रो पिंइ।

उत्पत्ति 22:13 ပူးပေါင်းရင်းမြစ်များ

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

उत्पत्ति 22:14

छतसि अब्राहामइ च क्ल्ह्‍योए मिं “याहवेहजी जुरेमिंब्मुँ” थेंइ। “याहवेहए कोंर खीजी जुरेमिंब्मुँ” बिसि तिंजरो या म्हिमैंइ बिरिम्।

उत्पत्ति 22:8

अब्राहामइ बिइ, “च्हेज्यों, ख्रो पिंबै क्यु झज परमेश्‍वरजीन् जुरेमिंम्,” बिसि चमैं ङ्हिं बालुन् ह्‍याइ।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।