उत्पत्ति 22:11 - परमेश्‍वरए ताँ तमु क्युइर

¹¹ दिलेया याहवेहए दूत घ्रिइ स्वर्गउँइँले चलाइ कै तेसि बिइ, “ओ अब्राहाम, अब्राहाम!” चइ बिइ, “होइ, ङ चुर्न मुँ।”

उत्पत्ति 22:11 ပူးပေါင်းရင်းမြစ်များ

उत्पत्ति 16:7

याहवेहए स्वर्गदूतइ शूर सहर ह्‍याबै घ्याँर म्हि आटिबै क्ल्ह्‍योर क्युए मुल ङाँर हागारलाइ त्होइ।

उत्पत्ति 21:17

दिलेया परमेश्‍वरजी कोलो क्रोब थेइ। धै परमेश्‍वरए दूतजी स्वर्गउँइँले हागारने बिइ, “ओ हागार, क्हिए फिर तो दुःख तइ? क्हि आङ्हिंन्, तलेबिस्याँ कोलो क्रोब परमेश्‍वरजी थेइमुँ।

उत्पत्ति 21:18

रेद्, कोलो ङाँर ह्‍यासि चलाइ रेमिंन्, धै चए सैं क्होल् लमिंन्। ङइ च ङाँइले थेबै ह्रें घ्रि लमिंब्मुँ।”

उत्पत्ति 22:1

तिस्याँदे लिउँइँ परमेश्‍वरजी अब्राहामए थेबै जाँच लसि चने बिइ, “ओ अब्राहाम।” चइ बिइ, “होइ, ङ चुर्न मुँ।”

उत्पत्ति 22:10

झाइले अब्राहामइ ह्रोंसए च्ह ख्रो पिंब् बिसि छुरि क्वेइ।

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

उत्पत्ति 22:16

“ङ याहवेहजी बिइमुँ, ङइ ह्रोंसए मिंर बाछा फैइमुँ, क्हिए घ्रिदे मुँबै च्है या ङए मिंर ख्रो पिंबै सैं लइ। क्हिइ चु के लबइले ङइ क्हिलाइ आशिक पिंब्मुँ।

उत्पत्ति 24:7

ङए आबाए धिं नेरो ङए ह्‍युलउँइँले ङलाइ पखबै स्वर्ग नेरो पृथ्‍बीर्बै याहवेह परमेश्‍वरजी कसम चसि ‘ङइ क्हिए सन्तानलाइ चु ह्‍युल पिंब्मुँ,’ बिसि ङने बाछा फैइमुँ। छतसि ङए च्हए ल्हागिर क्हिइ च क्ल्ह्‍योउँइँले प्ह्रेंस्यो घ्रि पखल खाँरिगे बिसि खीजीन् ह्रोंसए स्वर्गदूत क्हिए ओंसों ओंसों कुलब्मुँ।

उत्पत्ति 31:11

च त्हेर परमेश्‍वरए स्वर्गदूतइ म्होंडर ङने ‘ओ याकूब!’ बिमा ङइ ‘होइ, ङ चुर्न मुँ,’ बिइ।

उत्पत्ति 37:13

छतमा याकूबइ (इस्राएलइ) योसेफने बिइ, “क्हिए आघेंमैं शकेमर र-क्युमैं छसिन् मुँ। छतसि खो! ङइ क्हि चमैं ङाँर कुलब्मुँ।” योसेफइ “तम्, ङ ह्‍याबर तयार मुँ, आबा,” बिइ।

उत्पत्ति 46:2

च म्हुँइँसर परमेश्‍वर याकूबने दर्शनर पोंसि “याकूब, याकूब” बिसि चलाइ हुइइ। धै याकूबइ “ङ चुर्न मुँ,” बिइ।

उत्पत्ति 48:16

ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

प्रस्थान 3:2

चर लुँरिबै झ्याडि घ्रिर याहवेहए दूत च ङाँर म्रोंयुइ। धै मोशाइ झ्‍याडिर ङ्ह्‍योमा चर मि लुँरिल दिलेया झ्याडि बिस्याँ आख्रोंल।

प्रस्थान 3:4

मोशा च ङ्ह्‍‍योबर छाइ ह्‍यारिब याहवेहजी म्रोंइ। धै झ्‍याडिए म्हाँजोउँइँले “ओ मोशा, मोशा” बिसि परमेश्‍वरजी हुइइ। मोशाइ “ङ चुर्न मुँ,” बिइ।

चेला चिब्मैंए केमैं 26:14

च ह्‍वेइ लमा ङि ताँन् सर क्हुरियाइ। धै हिब्रू क्युइर ङने, ‘ओ शाऊल, शाऊल, क्हिइ तले ङ छले ह्रुगुदिरिल? क्हिए प्‍हलेइ म्ह्रु छु तबै प्हरेर ल्हिमा क्‍हिलाइन नब्मुँ,’ छ बिरिबै कै ङइ थेइ।

चेला चिब्मैंए केमैं 9:4

छतमा च सर क्हुरियाइ, धै “ओ शाऊल, शाऊल, क्हिइ तले ङ छले ह्रुगुदिरिमुँ?” बिबै कै चइ थेइ।