उत्पत्ति 21:9 - परमेश्‍वरए ताँ तमु क्युइर

⁹ तिगें मिश्रीथेंस्यो हागारइ अब्राहामउँइँले फिबै च्ह इश्माएलइ ह्रोंसए च्ह इसहाकलाइ गिजेरिब् साराई म्रोंइ।

उत्पत्ति 21:9 ပူးပေါင်းရင်းမြစ်များ

उत्पत्ति 16:1

अब्रामए प्ह्रेंस्यो साराईउँइँले अब्रामल प्हसे आतल। साराईल हागार बिबै मिश्री केब्स्यो घ्रि मुँल।

उत्पत्ति 16:15

छले हागारइ अब्रामल च्ह घ्रि फिइ। च च्हए मिं अब्रामइ इश्माएल थेंइ।

उत्पत्ति 17:20

क्हिइ इश्माएलए ल्हागिर यो छ्युँ लब ङइ थेइ। छतसि ङइ चलाइ आशिक पिंब्मुँ धै प्हसेमैं ल्हें लमिंब्मुँ। च च्युसे ङ्हिं म्रुँमैंए आबा तब्मुँ, ङइ च ङाँइले थेबै ह्रेंमैं लमिंब्मुँ।

उत्पत्ति 21:8

कोलो इसहाक थेब् ततै ह्‍यामा चइ ङ्‍हे थुँब पिवाबै त्हिंइर अब्राहामइ थेबै भत्तेर लइ।

भजनमैं 22:6

दिलेया ङ प्हुँलुँ धोंन् तब् मुँ, म्हि आङिं बिसि म्हिमैंइ ङलाइ तोइ धोंइ आङ्हाँ, धै ङलाइ प्ह्रइमुँ।

भजनमैं 42:10

ङए ह्रिबमैंर सेलाँइ थोसि घा तब् धोंले ङए शत्तुरमैंइ ङलाइ प्ह्रम्, धै चमैंइ त्हिंइतिमिन् ङने बिरिम्, “क्हिए परमेश्‍वर खनिर मुँ?”

हितोपदेश 20:11

कोलोए बानि ब्योरउँइँलेन्, धै चइ खैबै के लइमुँ, च खैबै घ्याँर प्रइमुँ बिसि क्हिइ चए बानि बयोर था सेम्।

हितोपदेश 22:10

आगुलाइ प्ह्रब्मैं बैरु तेवाद्; छलस्याँ प्होंगि तब, गाल् केब, सैं नबै ताँमैं नुयाम्।

गलाती 4:22

अब्राहामल च्‍ह ङ्हिं मुँल। घ्रि खीए केब्स्यो ङाँइँले योंल, अर्को ह्रोंसए प्‍ह्रेंस्‍यो सारा ङाँइँले योंल बिसि परमेश्‍वरए छ्वेर प्‍ह्रिइमुँ।

गलाती 4:29

अब्राहामए ज्युर्बै इच्छाउँइँले केब्स्योइ योंबै च्‍हइ च त्हेर परमेश्‍वरए प्ल्हउँइँले योंबै च्‍हलाइ ह्रुगुदिल। च धोंलेन् तिंजोरो या छान् तम्।

हिब्रू 11:36

कोइलाइ म्हिमैंइ सँउँलिइ फैसि झेलर च्युवाब, बिल्‍लि लब, कोर्राए प्रुब ताँन् सैदिल।