उत्पत्ति 21:8 - परमेश्‍वरए ताँ तमु क्युइर

⁸ कोलो इसहाक थेब् ततै ह्‍यामा चइ ङ्‍हे थुँब पिवाबै त्हिंइर अब्राहामइ थेबै भत्तेर लइ।

उत्पत्ति 21:8 ပူးပေါင်းရင်းမြစ်များ

उत्पत्ति 19:3

दिलेया लोतइ चमैंने बेल्‍ले कर ल्हैदिमा चमैं चने बालु धिंर ह्‍याइ। धै लोतइ प्लेढा आझोंबै क्हें झोंसि चमैंए उँइँर थेंमिंमा चमैंइ चइ।

उत्पत्ति 21:7

धबै साराई बिइ, “‘साराई प्हसेलाइ ङ्‍हे तिंल् योंम्’ बिसि खाबज्यै अब्राहामने आबिमल। दिलेया च खेब् तबै त्हेरै या ङ ङाँइले चल च्ह घ्रि फिइ।”

उत्पत्ति 21:9

तिगें मिश्रीथेंस्यो हागारइ अब्राहामउँइँले फिबै च्ह इश्माएलइ ह्रोंसए च्ह इसहाकलाइ गिजेरिब् साराई म्रोंइ।

उत्पत्ति 26:30

छबिमा इसहाक सैं तोंसि चमैंलाइ चब् थुँब् लमिंइ।

उत्पत्ति 29:22

छबिमा लाबानइ च क्ल्ह्‍योर्बै ताँन् म्हिमैं हुइसि भत्येर पिंइ।

उत्पत्ति 40:20

सोंरो लिउँइँ फारो फिबै त्हिंइ मुँल। छतमा फारो म्रुँइ च त्हिंर ह्रोंसए ताँन् चिबनाँब्मैं चब्-थुँब् लबर हुइल। धै चए थुँबै सैमैं पिंब नेरो चबै सैमैं ह्‍योबै चिब्मैं या झेलउँइँले तेपखसि चमैं ङाँर राल् पिंइ।

एस्तर 1:3

चइ शासन लबै सोंदिर ह्रोंसए ताँन् के लब्मैंए जिम्मा नोब्मैं नेरो चर्बै चिब्मैंए ल्हागिर थेबै भत्‍तेर पिंइ। छले भत्‍तेर पिंमा चर ताँन् ह्‍युलर्बै म्रुँमैंए प्हसेमैं, फारसी नेरो मादी सेनामैं, थे-थेबै म्हिमैं नेरो ताँन् ह्‍युलर्बै चिबनाँब्मैं खइ।

भजनमैं 131:2

दिलेया आमाने टिल् योंमा कोलो च्याँ तब् धोंले छले ङइ ङए खों दरो नेरो ढुक्‍का लइमुँ। आमाए ङ्‍हे थुँब् पिबै कोलो धोंले ङए खों छिं तइमुँ।