उत्पत्ति 21:23 - परमेश्‍वरए ताँ तमु क्युइर

²³ छतसि ङ नेरो ङए च्ह-च्हमि, ङए क्वें-क्वेंमिंमैंने बालु क्हिइ स्योर तेबै केमैं खोंयोंइ लरिब् आरे बिसि ङने बालु चुर परमेश्‍वरए उँइँर बाछा फैद्। धै क्हिए फिर ङइ छ्याँब लब् धोंलेन् क्हिज्यै या ङए फिर छ्याँबै केमैं लम् बिसि ङने बाछा फैद्, धै क्हि टिबै चु ह्‍युलए ल्हागिरै या क्हिइ छ्याँबै केमैं लम् बिसि ङने बाछा फैद्।”

उत्पत्ति 21:23 ပူးပေါင်းရင်းမြစ်များ

उत्पत्ति 20:14

छ बिबै लिउँइँ अबीमेलेकइ र-क्युमैं, क्ल्या-मेमैं, केब्-केब्स्योमैं पखसि अब्राहामलाइ पिंइ, धै चए प्ह्रेंस्यो सारा या एमिंइ।

उत्पत्ति 21:24

अब्राहामइ बिइ, “तम्, तम्, ङ छाबन् बाछा फैम्।”

उत्पत्ति 24:3

स्वर्ग नेरो पृथ्‍बीर्बै याहवेह परमेश्‍वरए उँइँर ङइ क्हिने कसम चबर ल्हैदिम्। क्हिइ ङए च्हए ल्हागिर तोगो ङ टिबै कनान ह्‍युलर्बै च्हमिरिमैं खाबै ब्ह्‍या लसि खैलसया आपखमिंन्।

उत्पत्ति 26:28

चमैंइ बिइ, “याहवेह क्हिने बालु मुँ बिसि ङिइ सेइ। छतसि ङ्योए न्होंर तोइ आछ्याँबै केमैं आतरिगे बिसि बाछा घ्रि फैले बिसि ङि खब् ग।

उत्पत्ति 31:44

छतसि तारे खो, क्हि नेरो ङए न्होंर बाछा घ्रि फैले। छले ङ्योइ फैबै बाछा क्हि नेरो ङए म्हाँजोर साक्षि तरिगे।”

उत्पत्ति 31:53

क्हिए बाज्यु अब्राहाम नेरो ङए बाज्यु नाहोर नेरो चमैंए आबा तेराहए परमेश्‍वरजी ङ्योए म्हाँजोर निसाफ लरिगे।” छतसि याकूबइ ह्रोंसए आबा इसहाकए परमेश्‍वर साक्षि थेंसि कसम चइ।

उत्पत्ति 39:3

“याहवेह चने बालु मुँब नेरो चइ लबै ताँन् केमैं याहवेहजी छ्याँब लमिंम्” बिसि चए क्ल्हे पोतीफरइ म्रोंसि

उत्पत्ति 47:31

धबै याकूबइ योसेफने बिइ, “छ बिस्याँ ङइ बिब् धोंलेन् लम्,” बिसि ङने कसम चद् बिमा योसेफइ कसम चइ। झाइले याकूब ह्रोंस रोबै क्ल्ह्‍योर्बै क्रेगुँर पद्खु तइ।

२ कोरिन्थी 1:23

ङए खोंर्बै ताँ सेबै परमेश्‍वरए मिंर ङ क्हेमैंने बिमुँ: क्‍हेमैं कर आयोंन् आतरिगे बिबै सैं मैंसि ङ कोरिन्‍थर आखब् ग।

हिब्रू 6:16

म्हिमैंइ कसम चल् त्हुमा ह्रोंस् भन्दा थेबै म्हिए मिंर कसम चम्। धै चमैंए आक्ह्रिबै ताँमैं कसम चइरि क्ह्रिल् लमिंम्।