उत्पत्ति 21:2 - परमेश्‍वरए ताँ तमु क्युइर

² साराई प्हसे नोइ, धै परमेश्‍वरजी चने बिब् धोंले अब्राहाम खेब् तबै त्हेर साराई च्ह घ्रि योंइ।

उत्पत्ति 21:2 ပူးပေါင်းရင်းမြစ်များ

उत्पत्ति 17:19

दिलेया परमेश्‍वरजी आब्रहामने बिइ, “आङिं! क्हिए प्ह्रेंस्यो साराईन क्हिए ल्हागिर च्ह घ्रि फिब्मुँ। क्हिइ चए मिं इसहाक थेंब्मुँ। च नेरो चए लिउँइँबै सन्तानने ङइ ङए बाछा फैब्मुँ।

उत्पत्ति 17:21

दिलेया ङए बाछा इसहाकनेन् फैब्मुँ। क्हुरिंम्बै चु त्हेजरे साराई क्हिउँलेन् च्ह फिब्मुँ।”

उत्पत्ति 18:10

झाइले याहवेहजी बिइ, “क्हुरिंम्बै चु त्हेजरे ङ क्हि ङाँर एयुब्मुँ। च्हमा क्हिए प्ह्रेंस्यो साराई च्ह घ्रि फिब्मुँ।” साराई चु ताँ चए लिउँइँ तम्बुए म्राउँइँले थेरिल।

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

लूका 1:36

च्‍हौ मत्‍त्रे आङिं, क्‍हिए नातो न्होंर्बै आना इलिशिबा माँब् तबै त्हेरै या प्हसे नोइमुँ। तारे चइ प्‍हसे आफि, थरि त‍याइ बिसि म्हिमैंइ बिमल। दिलेया चइ प्‍हसे नोसि तोगो म्हैंन ट्हुल् तइमुँ।

चेला चिब्मैंए केमैं 7:8

परमेश्‍वरजी अब्राहामने ज्युर चिनु लल् त्हुम् बिबै बाछा या फैल। च लिउँइँ अब्राहामइ इसहाक च्ह योंसि इसहाक फिबै प्रेरोर चए ज्युर चिनु लमिंइ। इसहाक याकूबए आबा तइ, धै याकूब ङ्योए ह्रेंए च्युसे ङ्हिं खेमैंए आबा तइ।

रोमी 9:9

तलेबिस्याँ परमेश्‍वरजी अब्राहामने छले बाछा फैथेंल, “क्‍हुरिमा चु त्हेर्न ङ युमा क्‍हिए प्‍ह्रेंस्‍यो साराई च्‍ह फिब्‍मुँ।”

गलाती 4:22

अब्राहामल च्‍ह ङ्हिं मुँल। घ्रि खीए केब्स्यो ङाँइँले योंल, अर्को ह्रोंसए प्‍ह्रेंस्‍यो सारा ङाँइँले योंल बिसि परमेश्‍वरए छ्वेर प्‍ह्रिइमुँ।

हिब्रू 11:11

बिश्‍वासउँइँलेन् साराज्यै माँब् तल् खाँबै लिउँइँ प्‍हसे नोबै भों योंइ, तलेबिस्याँ “प्हसे फिम् बिसि बाछा फैबै परमेश्‍वर बिश्‍वास योग्यर्बै मुँ” बिसि चइ मैंल।