उत्पत्ति 20:9 - परमेश्‍वरए ताँ तमु क्युइर

⁹ छतमा अबीमेलेकइ अब्राहाम हुइसि बिइ, “क्हिइ ङिने तो लल् म्हैल? ङइ क्हिल तो न्होह्रों लवाइ? क्हिइ ङ नेरो ङए ह्‍युलए फिर च्हौ थेबै छ्याब खबै के तले तल् पिंल? क्हिइ ङने लल् आतबै के लइ!

उत्पत्ति 20:9 ပူးပေါင်းရင်းမြစ်များ

उत्पत्ति 12:18

छतमा फारो म्रुँइ अब्रामलाइ हुँइसि बिइ, “क्हिइ ङने चु तो लल? चु च्हमिरि क्हिए प्ह्रेंस्यो ग बिसि क्हिइ ङने तले आबिल?

उत्पत्ति 20:10

तो मैंसि क्हिइ ङने बालु छाबै के लल?”

उत्पत्ति 20:8

अबीमेलेक न्हाँगर्न रेसि ह्रोंसए ताँन् सिपाइमैं हुइसि चु ताँन् ताँमैं बिइ। च ताँ थेसि चर्बै म्हिमैं बेल्‍ले ङ्हिंयाँइ।

उत्पत्ति 26:10

अबीमेलेकइ बिइ, “क्हिइ ङिने चु तो लल? म्हिमैंइ क्हिए प्ह्रेंस्योने आछ्याँबै के लस्याँ ङिए फिर क्हिइ छ्याब् ल्हैदिमल।”

उत्पत्ति 29:25

याकूबइ न्हाँगर ङ्ह्‍योमा लेआ ग मुँन। छतमा चइ लाबानने बिइ, “क्हिइ ङने तले छ लल? ङइ राहेल ब्ह्‍या लबर क्हिए के लब आङिं वा? क्हिइ तले ङने छले स्योर तेल?”

उत्पत्ति 34:7

शकेमइ दीनालाइ न्होंवाबै ताँ याकूबए च्हमैंइ थेइ। छतसि चमैं खेदोमैं छबै क्ल्ह्‍योउँइँले खल। चमैं बेल्‍ले ह्रिस खसि सैदिल् आखाँन् तइ, तलेबिस्याँ याकूबए च्हमि न्होंवासि शकेमइ इस्राएलर्बै म्हिमैंए आब्रु वाल। छाबै के लब छ्याँब ताँ आङिंल।

उत्पत्ति 38:24

म्हैंन सोंल् लिउँइँ म्हि घ्रिइ यहूदाने बिइ, “क्हिए चों तामारइ फ्रें क्ल्योंसि प्हसे नोइमुँ।” छबिमा यहूदाइ बिइ, “चलाइ चुर पखसि ख्रोंवाँन्।”

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

प्रस्थान 32:21

च लिउँइँ मोशाइ हारूनने बिइ, “चु म्हिमैंइ क्हिलाइ तो लइ? क्हिइ चुमैंलाइ तले च्हौ थेबै पाप के लबर ल्हैदिब?”

प्रस्थान 32:35

झाइले हारूनइ बनेबै माराए क्ल्या भारा चमैंइ फ्योबइले याहवेहजी रूढि कुलसि म्हिमैं सैवाइ।

हितोपदेश 28:10

सोजो म्हिलाइ वाँसि आछ्याँबै घ्याँउँइँ बोयाबै म्हि ह्रोंसन् ङोर फेम्, दिलेया सोजो म्हिइ आशिक योंम्।

रोमी 2:11

तलेबिस्याँ परमेश्‍वरजी खाबलाज्यै आफेल।

तीतस 1:11

छतसि चमैंए सुँर क्हा झोंल् त्‍हुम्, तलेबिस्याँ चमैंइ खेंमैंइ मुइ योंबै ल्हागिर म्हिमैंए धिं-धिंर होंसि स्योलिबै ताँमैं बिप्रसि चमैंए सैं भाँडिदिवाइमुँ। छाबै ताँमैं चमैंइ लोमिंल् आतमल।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।