उत्पत्ति 20:6 - परमेश्‍वरए ताँ तमु क्युइर

⁶ झाइले परमेश्‍वरजी अबीमेलेकने म्होंडर बिइ, “अँ, क्हिए छ्याँबै सैंउँलेन् चु के लब् ग बिसि ङइ सेइमुँ। ङए उँइँर क्हिइ आछ्याँबै के आलरिगे बिसि क्हि जोगेमिंब ङन् ग। छतसि ङइ च च्हमिरि क्हिइ छुइल् आपिंल।

उत्पत्ति 20:6 ပူးပေါင်းရင်းမြစ်များ

उत्पत्ति 20:18

तलेबिस्याँ अब्राहामए प्ह्रेंस्यो साराई लमा याहवेहजी अबीमेलेकए धिंर मुँबै ताँन् च्हमिरिमैंए कोख म्रुवाल।

उत्पत्ति 26:11

झाइले अबीमेलेकइ “चु म्हि नेरो चुए प्ह्रेंस्योलाइ खाबज्यै तोइ आलद्। खाबज्यै या चुमैंलाइ तोइ लस्याँ च खैलसे सिल् त्हुब्मुँ” बिसि ताँन् म्हिमैंलाइ लोदा सैंदा लइ।

उत्पत्ति 3:3

दिलेया ‘बगैंचाए म्हाँजोर मुँबै सिंधुँर्बै रो बिस्याँ क्हेमैंइ आचद्, आछुइद्। आस्‍याँ क्हेमैं सियाब्मुँ,’ बिसि परमेश्‍वरजी ङिने बिइमुँ।”

उत्पत्ति 31:24

दिलेया च म्हुँइँसर आरामि लाबान ङाँर परमेश्‍वर म्होंडर म्रोंयुसि चने बिइ, “न्ह क्रों मि क्रों तद्। क्हिइ याकूबने छ्याँब आछ्याँब तोइ आबिद्।”

उत्पत्ति 31:7

दिलेया क्हेमैंए आबाइ ङ लुइमुँ, ङए नों सै च्युखे फेर्दिइमुँ। दिलेया परमेश्‍वरजी चइ ङए न्होह्रों लल् आपिइमुँ।

उत्पत्ति 35:5

छाइले चमैं ह्‍यामा च खागुबै ह्‍युलर्बै म्हिमैंइ “चुमैं परमेश्‍वरए म्हिमैं ग,” बिब् सेसि ङ्हिंइ, छतमा खाबज्यै चमैंलाइ आल्ह।

उत्पत्ति 39:9

चु धिंर ङ भन्दा थेब खाबै आरे। क्हि बाहेक अरू तोन्दोंरि सै चइ ङए जिम्मर्न पिंइमुँ, तलेबिस्याँ क्हि चए प्ह्रेंस्यो ग। छतसि चु आछ्याँबै के ङइ खैले लब, धै परमेश्‍वरए बिरोधर ङइ खैले पाप लल् खाँमुँ?”

भजनमैं 51:4

क्हिए बिरोधर्न ङइ पाप केमैं लइमुँ, धै क्हिजी आखोबै केमैंन् ङइ लइमुँ, छतसि क्हिजी ङने बिबै ताँ क्ह्रोंसेंन् ग, धै क्हिजी लबै निसाफ ताँनए उँइँर ठिक मुँ।

भजनमैं 81:12

छतसि चमैं खेंमैंए सैंर मैंब् धोंले प्ररिगे बिसि चमैंए सैंर्बै इच्छार्न ङइ पिमिंइ।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

प्रस्थान 34:24

ङइ ह्रें-ह्रेंमैं क्हेमैं ङाँइँले ह्रेंगो ल्हामिंसि क्हेमैंए साँदमैं बडिमिंब्मुँ। क्हेमैं बर्षर सोंखे ह्रोंसए याहवेह परमेश्‍वरए उँइँर चाड म्हाँदिबर ह्‍याइ बिस्याँ खाबज्यै या क्हेमैंए क्ल्ह्‍यो लोब लरिब् आरे।

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

हितोपदेश 6:29

आगुए प्ह्रेंस्योने प्रबै म्हि या छान् तम्; दण्ड आयोंन् समा च स्योररिब् आरे।

मत्ती 27:19

पिलातस निसाफ लबै क्‍ल्‍ह्‍योर क्हुँरिबै त्हेर चए प्ह्रेंस्योइ चलाइ छ बिसि सउँसर पिमिंइ, “च छ्याब् आरेबै म्‍हिलाइ तोइ आलद्, तलेबिस्याँ च म्‍हिए कारणइ लमा तल् म्‍हुँइँसर म्‍होंडर ङइ ल्‍हें दुःख योंइ।”

१ कोरिन्थी 7:1

क्‍हेमैंइ प्‍ह्रिबै प्ह्रिछ्यार्बै ताँमैंए ज्वाफ ङइ चु प्ह्रिछ्यार प्‍ह्रिइमुँ। “म्हिइ ब्ह्‍या आलल्‍ले टिब छ्याँब ग” बिसि क्हेमैंइ प्ह्रिइ।

२ कोरिन्थी 6:17

छतसि याहवेहजी छ बिइमुँ: “क्‍हेमैं च आछ्याँबै म्‍हिमैंए म्हाँजोउँइँले त्होंइ खो, क्‍हेमैं चमैं ङाँइले स्‍यो तल् त्‍हुम्। पापर च्होवाबै सैमैं आछुइद्, झाइले ङइ क्‍हेमैं ङ ङाँर खल् पिंस्‍यो।

२ थेसलोनिकी 2:11

छतसि स्योलिबै ताँ क्वेंरिगे बिसि परमेश्‍वरजी चमैंए ङाँर बेल्‍ले स्योर तेल् ह्रबै सैमैं कल्मिंब्मुँ।

२ थेसलोनिकी 2:7

तलेबिस्याँ चइ ओंसों ओंनोंन् खाबइ आसेल्‍ले न्हों-न्होंनो आछ्याँबै के लरिइमुँ। तोगो समा परमेश्‍वरजीन् च च्युथेंइमुँ, छतसि परमेश्‍वरजीन् आपिन् समा च त्होंल् खाँरिब् आरे।