उत्पत्ति 20:4 - परमेश्‍वरए ताँ तमु क्युइर

⁴ अबीमेलेक च त्हे समा सारा ङाँर आह्‍याल। छतसि चइ बिइ, “ओ प्रभु, ङइ आछ्याँबै के तोइ आलइमुँ! ङइ तोइ न्होह्रों आललैया क्हिजी ङि सैवाम्मा?

उत्पत्ति 20:4 ပူးပေါင်းရင်းမြစ်များ

उत्पत्ति 19:24

झाइले याहवेहजी सदोम नेरो गमोराए फिर मुउँइँले मि नेरो बारुद कुल्मिंइ।

उत्पत्ति 20:5

‘च ङए अङाँ ग’ बिसि च म्हि ह्रोंसइन् ङने बिब आङिं रो वा? धै च च्हमिरिज्यै या ‘च ङए आघें ग’ बिसि बिब आङिं रो वा? ङइ चु के छ्याँबै सैंइ लब् ग। ङइ तोइ आछ्याँबै के आलइमुँ।”

उत्पत्ति 20:6

झाइले परमेश्‍वरजी अबीमेलेकने म्होंडर बिइ, “अँ, क्हिए छ्याँबै सैंउँलेन् चु के लब् ग बिसि ङइ सेइमुँ। ङए उँइँर क्हिइ आछ्याँबै के आलरिगे बिसि क्हि जोगेमिंब ङन् ग। छतसि ङइ च च्हमिरि क्हिइ छुइल् आपिंल।