उत्पत्ति 20:2 - परमेश्‍वरए ताँ तमु क्युइर

² अब्राहामइ ह्रोंसए प्ह्रेंस्यो सारालाइ “चम् ङए अङाँ ग,” बिइ। छबिमा गरारर्बै अबीमेलेक म्रुँइ सारालाइ ह्रोंस ङाँर पखबर ल्हैदिइ।

उत्पत्ति 20:2 ပူးပေါင်းရင်းမြစ်များ

उत्पत्ति 12:15

झाइले फारो म्रुँए सिपाइमैंइ च च्हमिरिलाइ म्रोंमा “च बेल्‍ले छ्याँब मुँ!” बिसि फारो ङाँर बिनेइ। छतसि चमैंइ साराईलाइ म्रुँए दरबारर बोइ।

उत्पत्ति 20:12

छतसि ङइ चने ‘ङए अङाँ ग’ बिसि बिब् ग। च ताँ क्ह्रोंसेंन ग, तलेबिस्याँ चु ङए आबाए च्हमि ग, दिलेया आमा स्यो-स्योन् ग। धै चु ङए प्ह्रेंस्यो तइ।

उत्पत्ति 21:22

च त्हेर अबीमेलेक म्रुँ नेरो चए सेनापति पिकोलइ अब्राहामने बिइ, “क्हिइ लबै तोन्दोंरि केर परमेश्‍वरजी आशिक पिंइमुँ।

उत्पत्ति 26:1

ओंसों अब्राहामए पलोर तब् धों तबै अँङ्गल् धबै इसाहकए पलोरै या तइ। छतसि इसाहक पलिश्‍तिमैंए अबीमेलेक म्रुँ ङाँर गरार ह्‍युलर ह्‍याइ

उत्पत्ति 26:16

इसहाक बेल्‍ले प्लब् म्रोंसि अबीमेलेकइ चने बिइ, “तारे ङिए ह्‍युलउँइँले क्हि ह्‍याद्, तलेबिस्याँ तिंजरो ङि भन्दा क्हि बेल्‍ले भोंब तइमुँ।”

उत्पत्ति 26:7

च क्ल्ह्‍योर्बै म्हिमैंइ इसहाकाए प्ह्रेंस्योए बारेर ङ्योएमा चइ “च ङए अङाँ ग” बिइ। तलेबिस्याँ रिबेका बेल्‍ले छ्याँब मुँल, छतसि “चर्बै म्हिमैंइ ङलाइ सैवासि ङए प्ह्रेंस्यो बोवाम् उ?” ङ्हाँसि च ङ्हिंइ। छतसि रिबेकालाइ ह्रोंसए प्ह्रेंस्यो बिल् आखाँ।

हितोपदेश 24:16

तलेबिस्याँ ठिक के लबै म्हि ङिखे समा क्हुरियालेया धबै रेम्, दुष्‍ट म्हिमैं बिस्याँ थेबै दु:ख तसि नास तब्मुँ।

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

हितोपदेश 6:29

आगुए प्ह्रेंस्योने प्रबै म्हि या छान् तम्; दण्ड आयोंन् समा च स्योररिब् आरे।

एफिसी 4:25

छतसि तारे पिरु स्‍योर आतेद्। ङ्यो ताँन् प्रभु येशू ख्रीष्‍टए ज्युए भागमैं ग। छतसि ह्रोंसए बिश्‍वासी अलिमैने क्ह्रोंसेंन्बै ताँ पोंल् त्‍हुम्।

कलस्सी 3:9

घ्रिइ घ्रिने स्‍योर आतेद्, तलेबिस्याँ क्‍हेमैंइ ह्रोंसए ओंसोंबै आछ्याँबै बानि नेरो चइ लरिबै आछ्याँबै केमैं पिवाल् खाँइमुँ।