उत्पत्ति 20:18 - परमेश्‍वरए ताँ तमु क्युइर

¹⁸ तलेबिस्याँ अब्राहामए प्ह्रेंस्यो साराई लमा याहवेहजी अबीमेलेकए धिंर मुँबै ताँन् च्हमिरिमैंए कोख म्रुवाल।

उत्पत्ति 20:18 ပူးပေါင်းရင်းမြစ်များ

उत्पत्ति 12:17

दिलेया म्रुँइ अब्रामए प्ह्रेंस्यो साराई बोबइले याहवेहजी फारो नेरो चए परवारए फिर ङ्हिंन्-ङ्हाँबै दुःखमैं कुल्मिंइ।

उत्पत्ति 16:2

तिगैं साराई अब्रामने बिइ, “याहवेहजी ङलाइ प्हसे तल् आपिं। छतसि क्हि ङए केब्स्यो ङाँर ह्‍याद्। खनिज्यै च ङाँइले ङए ल्हागिर प्हसे तल् खाँम् उ?” छबिमा अब्रामइ साराईए ताँ ङिंइ।

उत्पत्ति 20:7

तारे अब्राहामए प्ह्रेंस्यो एवाद्, तलेबिस्याँ च अगमबक्‍ता ग। चइ क्हिए ल्हागिर प्राथना लमिंब्मुँ, धै क्हि सोब्मुँ। दिलेया क्हिइ च च्हमिरि आएमिंस्याँ क्हि नेरो क्हिए ताँन् म्हिमैं खैलेबिलेया सियाब्मुँ बिसि सैंर मैंन्।”

उत्पत्ति 30:2

छबिमा याकूबइ राहेलने ह्रिस खसि बिइ, “ङ परमेश्‍वर वा? क्हिए कोख म्रुवाबम् परमेश्‍वरजी ग।”