उत्पत्ति 2:9 - परमेश्‍वरए ताँ तमु क्युइर

⁹ झाइले ङ्ह्‍योबर छ्याँब, चबर लिंबै रो रोबै ल्‍हें सिंधुँमैं याहवेह परमेश्‍वरजी सउँइँले म्‍लोमिंइ। धै बगैंचाए म्हाँजोर खोंयोंइ आखाँबै छ्‍ह योंबै सिधुँ नेरो छ्याँब आछ्याँब फेलल् खाँबै ज्ञान पिंबै सिंधुँ या रुँइँइ।

उत्पत्ति 2:9 ပူးပေါင်းရင်းမြစ်များ

उत्पत्ति 2:17

दिलेया छ्याँब नेरो आछ्याँब सेल् लमिंबै ज्ञान पिंबै रो बिस्याँ क्हिइ आचद्। तलेबिस्याँ च रो चबै तोदोंन् क्हि सियाब्मुँ।”

उत्पत्ति 3:22

धै याहवेह परमेश्‍वरजी बिइ, “ङ्यो धोंलेन् म्हि छ्याँब-आछ्याँब सेल् खाँब् तइमुँ। तारे चइ खोंयोंइ सोल् योंबै सिंधुँर्बै रो टोंसि चल् आयोंरिगे। आस्याँ च खोंयोंन् बिलै सोरिब्मुँ।”

उत्पत्ति 3:24

खीजी म्हिलाइ तेवाबै लिउँइँ खोंयोंन् बिलै सोल् योंबै सिंधुँर फेनेबै घ्याँर खाबै या आखरिगे बिसि रुँबै ल्हागिरि अदनए बगैंचार्बै स्यारउँइँले करूबमैं नेरो कारग्युले स्युररिबै मिइ लुँरिबै सेलाँ (तरवार) थेंमिंइ।

उत्पत्ति 3:3

दिलेया ‘बगैंचाए म्हाँजोर मुँबै सिंधुँर्बै रो बिस्याँ क्हेमैंइ आचद्, आछुइद्। आस्‍याँ क्हेमैं सियाब्मुँ,’ बिसि परमेश्‍वरजी ङिने बिइमुँ।”

उत्पत्ति 3:5

क्हेमैंइ च रो चबै त्हिंइर्न क्हेमैंए सैं न्होंर्बै मि थोंब्मुँ, धै छ्याँब आछ्याँब सेल् खाँबै ज्ञान योंसि क्हेमैं या परमेश्‍वर धोंन् तब्मुँ बिसि परमेश्‍वरजी सेइमुँ।”

हितोपदेश 11:30

ठिक के लबै म्हिइ छ्याँबै छ्ह थोब्मुँ, धै म्हिमैंलाइ छ्याँबै घ्याँर डोरेल् खाँबै म्हि बुद्धि मुँब् ग।

हितोपदेश 3:18

बुद्धि ख्वेब्मैंए ल्हागिर च छ्ह योंबै सिंधुँ ग; च क्हाब्मैंइ आशिक योंम्।

यूहन्‍ना 6:48

खोंयोंइ आखाँबै छ्ह पिंबै क्हें ङन् ग।

१ कोरिन्थी 8:1

तारे कुर चडेबै चबै सैए बारेर ङ ताँ लम्। “ङि ताँन् ह्रब-सेब् मुँ” बिबै क्हेमैंए ताँ ठिकन् ग। दिलेया ह्रब-सेब् मुँ बिसि क्हेमैं ह्रोंसन् थेब् प्हैंइमुँ, खाबइ आगुए फिर म्हाँया लमुँ, चइ अरूमैंलाइन थेब् लमिंम्।

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।

दर्शन 22:2

सहरए म्‍हाँजोर्बै घ्याँ तसि स्यों प्ररिल। च स्‍योंए रेर छ्ह पिंबै सिं धुँ मुँल। च धुँर सालर्बै च्युसे ङ्हिं म्हैनन् च्युसे ङ्हिं खालर्बै रोमैं रोमल। च सिंधुँए प्‍हो ह्रें-ह्रेंमैंलाइ सल् लबै ल्हागिर मुँल।