उत्पत्ति 2:5 - परमेश्‍वरए ताँ तमु क्युइर

⁵ सर प्याँ पिंमैं घ्रि या आरेल, धै छिमैं तोइ आम्‍लोल। तलेबिस्याँ याहवेह परमेश्‍वरजी पृथ्बीर नाँ आकुलल। धै स ताब क्योब लबै म्हि या खाबै आरेल।

उत्पत्ति 2:5 ပူးပေါင်းရင်းမြစ်များ

उत्पत्ति 2:6

दिलेया पृथ्बीउँइँले स्योंमैं त्‍होंसि ताँन् स प्हाँमिंमल।

उत्पत्ति 3:23

छतसि “सउँइँलेन् च बनेल, च सर्न के लरिगे” बिसि याहवेह‍ परमेश्‍वरजी अदनए बगैंचाउँइँले चलाइ तेवाइ।

उत्पत्ति 4:12

तारेसेरो क्हिइ सर खेति लमा सइ क्हिए ल्हागिर रोमैं तोइ पिंरिब आरे। क्हि पृथ्‍बीर खोंयोंन् बिलै छिं ङ्हाँन् आयोंन्ले स्‍युररिल् त्हुब्मुँ।”

उत्पत्ति 4:2

चइ धबै कयिनए अलि हाबिल फिइ। हाबिल क्‍यु छैं तइ, कयिन बिस्याँ म्रोंर के लब तइ।

भजनमैं 104:14

खेदोमैंए ल्हागिर छि नेरो म्हिमैंए ल्हागिर ट्हा ट्हुमैं खीजी म्‍लोमिंम्। धै सउँइँले म्हिमैंइ चबै सैमैं रोब्मुँ,

भजनमैं 135:7

खीजी पृथ्बीए च्होउँइँले न्हाँम्स्यो रेमिंम्, खीजी नाँने बालु काम्‍लि-तिम्‍लि कुल्मिंम् धै खीए भण्डरउँइँले खैं तेमिंम्।

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

हिब्रू 6:7

नमुना बिले: नाँइ स क्योमिंमा सइ खेति लब्मैंलाइ चैदिबै रा-रोमैं पिंम्, धै परमेश्‍वरजी च सलाइ आशिक पिंम्।