उत्पत्ति 2:25 - परमेश्‍वरए ताँ तमु क्युइर

²⁵ मुँयुँ नेरो चए प्ह्रेंस्यो ङ्हिंना-ङ्हिंन् क्लुँनन् मुँल। दिलेया फा आपिमल।

उत्पत्ति 2:25 ပူးပေါင်းရင်းမြစ်များ

उत्पत्ति 3:7

च रो चबै तोंदोंन् चमैं ङ्हिंना ङ्हिंनए मि थोंयाँइ, झाइले खेंमैं क्लुँनन् मुँन बिसि चमैंइ सेइ। छतसि तुँबुए लमैं थुसि ह्रोंसए ल्हागिर क्‍वें टुसि खिइ।

भजनमैं 25:3

क्हिए फिर भर थेंब्मैं खाबै या खोंयोंइ फा पिल् त्हुरिब् आरे, दिलेया फाकर्न धोका पिंब्मैं फा पिल् त्हुब्मुँ।

भजनमैं 31:17

ओ याहवेह, ङ फापिल् आत्हुरिगे, तलेबिस्याँ ङइ क्हिने ग्वार ह्रिइमुँ; दिलेया दुष्‍टमैं बिस्याँ फा पिन् तयारिगे; धै चमैं क्रोंर च्याँले टिरिगे।

प्रस्थान 32:25

हारूनइ म्हिमैंलाइ तो लदा ङ्हाँम् लल् पिंबइले म्हिमैंइ ह्रोंसए सैंर तो मैंमुँ चन् लसि शत्तुरमैं निस्युबै के तल् पिंना बिसि मोशाइ था सेइ।

मर्कूस 8:38

छतसि खाबइ चु आछ्याँबै पापि जुगरि ङ नेरो ङए ताँ थेसि फापिमुँ, ङ म्हिए च्ह या ह्रोंसए आबाजी पिंबै मान नेरो पबित्र स्‍वर्गदूतमैंने बालु चु ह्‍युलए निसाफ लबर युमा च म्‍हि म्रोंसि ङै या फा पिब्‍मुँ।”

लूका 9:26

म्हिए च्ह स्‍वर्गर परमेश्‍वर आबा नेरो खीए पबित्र स्‍वर्गदूतमैंने टिरिब्‍मुँ। परमेश्‍वर आबाए मिं थेब लबर खीए शक्‍तिर स्‍वर्गदूतमैंने चु ह्‍युलर खी धबै युब्मुँ। झाइले ङ नेरो ङए बचनउँइँले फापिसि खा-खाबइ ‘ङइ येशू ङो आसे,’ बिल, ङज्यै या च त्‍हेर क्हेमैं ङो आसे बिब्‍मुँ।

रोमी 10:11

परमेश्‍वरए छ्वेर चु या बिइमुँ, “खीए फिर भर लब्मैं खाबै या फापिल् त्हुरिब् आरे।”