उत्पत्ति 2:18 - परमेश्‍वरए ताँ तमु क्युइर

¹⁸ याहवेह परमेश्‍वरजी बिइ, “म्हि घ्रिन् टिब छ्याँब आरे। छतसि ङइ चए ल्हागिर चने ङ्‍हेंब चलाइ ल्होब थु घ्रि बनेब्मुँ।”

उत्पत्ति 2:18 ပူးပေါင်းရင်းမြစ်များ

उत्पत्ति 1:31

ह्रोंसजी बनेबै तोन्दोंरि सै परमेश्‍वरजी ङ्ह्‍योमा बेल्‍ले छ्याँब मुँल। ङेसा तइ धै न्‍हाँग तइ, च टुरोबै त्हिंइ मुँल।

उत्पत्ति 2:20

छले म्हिइ न्‍हबै खेदोमैं, मुर प्हुरबै नमेमैं नेरो ताँन् क्ह्‍योंर्बै खेदोमैंए मिं थेंइ। दिलेया आदमए ल्हागिर ङ्‍हेंब नेरो ल्होब खाबै आयोंल।

उत्पत्ति 3:12

म्हिइ बिइ, “ङने टिरिगे बिसि क्हिइ पिंबै च्हमिरिइ च सिंधुँर्बै रो ङ पिंइ। धै ङइ चइ।”

हितोपदेश 18:22

प्ह्रेंस्यो योंबै म्हिइ छ्याँब सै योंम् धै चइ याहवेहउँइँले दयाम्हाँया योंम्।

१ कोरिन्थी 7:36

खाबज्यै या ब्ह्‍या लब् बिसि ह्रिथेंबै च्हमिरिने खेंमैं ङ्हिंन् सल्‍ला लसि “दे त्हे ङ्यो ब्ह्‍या आलल्‍ले टिले” बिलेया, लिउँइँ मुँयुँए ब्ह्‍या लबै सैं खस्याँ चमैं ब्ह्‍या लरिगे। छले लबै ब्ह्‍या पाप आङिं।

१ पत्रुस 3:7

छलेन ओ मुँयुँमैं, ह्रोंसए प्ह्रेंस्योने बालु सैं क्ह्रिसि टिद्। क्‍हेमैं भन्दा चमैं आभोंब् मुँ बिब् सेसि ताँन् सैर चमैंलाइ मान लद्, तलेबिस्याँ परमेश्‍वरजी पिंबै छ्ह क्‍हेमैं ङ्हिंना-ङ्हिंनइ योंबै हग बराबर मुँ। क्‍हेमैंए प्राथनार बाधा आखरिगे बिसि ह्रोंसए प्ह्रेंस्योने छेनाले क्‍ह्रिसि टिद्।

रूथ 3:1

तिगैं रूथए स्युमि नाओमीइ चने बिइ, “ओ ङए च्हमि, ङए सैंर तारे क्हि ब्ह्‍या लसि ह्रोंसल्न धिं-नाँ चुसि टिस्याँ तमला ङ्हाँइमुँ।